CIES: ბარსელონა ესპანეთის ჩემპიონი ვერ გახდება

სპორტული კვლევის საერთაშორისო ცენტრმა (CIES Football Observatory) გამოაქვეყნა 2021/22 სეზონის პროგნოზი ევროპის ტოპ 5 ჩემპიონატთან დაკავშირებით.

მათი წინასწარი შეხედულება დაფუძნებულია ფეხბურთელთა გამოცდილებაზე, ტრანსფერებსა და ბოლო წლებში ნაჩვენებ შედეგებზე. 

CIES-ის პროგნოზით ქვეყნის ჩემპიონი მადრიდის „რეალი“ გახდება, ხოლო საპატიო მეორე ადგილს თანაქალაქელები დაიკავებენ („ატლეტიკო“). რაც შეეხება „ბარსელონას“, მას ცენტრი მესამე ადგილზე მოიაზრებს. მიჩნეულია, რომ დაქვეითდებიან „ელჩე“, „ალავესი“ და „კადისი“.

მეტი ინფორმაციულობისთვის გამცნობთ, რომ მითითებული პორტალი ინგლისის ჩემპიონად „მანჩესტერ სიტის“ მოიაზრებს, საფრანგეთის – „პარი სენ-ჟერმენს“, გერმანიის – „ბაიერნს“, ხოლო იტალიის – „ინტერს“.