ბარსამ უმტიტის გაშვება გადაწყვიტა

„ბარსელონას“ ფრანგ მცველთან, სამუელ უმტიტისთან მიმართებაში მოთმინება საბოლოოდ გადაეწურა. ფეხბურთელმა ზაფხულის სატრანსფერო ფანჯარაზე გუნდი არ დატოვა.

Todofichajes-ის ცნობებით, „ლურჯ-ბროწეულისფრები“ მისგან ზამთარშივე გათავისუფლდებიან. „ბარსა“ უმტიტის ახალი გუნდის ძიებისკენ მოუწოდებს და თუ კი ფრანგი მოთამაშის გაყიდვა არ მოხერხდება, მხარეები კონტრაქტს გაწყვეტენ.

სამუელის ამჟამინდელი ხელშეკრულება 2023 წელს იწურება. Transfermarkt-ის ექსპერტთა მიხედვით, 27 წლის ფეხბურთელის სატრანსფერო თანხა რვა მილიონ ევროს შეადგენს.