ბილბაო-ბარსელონა: რონალდ კუმანი მატჩის წინ

“სან მამესზე” თამაში ყოველთვის რთულია. ახლა, “ბილბაო” უკეთესი გუნდია. მათ ექვსკვირიანი პრესეზონი ჰქონდათ, ბევრი და კარგად ივარჯიშეს, რაც ბოლო თამაშშიც გამოჩნდა. ძლიერი გუნდია და ვიცით, რასაც უნდა ველოდოთ.

მათთან თამაშის გამოცდილება გვაქვს, გასულ სეზონში 4-ჯერ შევხვდით. ფიზიკური ორთაბრძოლები უნდა ავირიდოთ, ეს მათი ძლიერი მხარეა. კარგი თამაში გველის, მათგან ძლიერ პრესინგს ველით. “ბილბაოს” ჩვენთვის სიურპრიზის შემოთავაზება შეუძლია ისევე, როგორც ჩვენ მათთვის.

კლუბის სიტუაციას კარგად ვიცნობთ. თუ ფეხბურთელის თაობაზე წინადადება გვექნება, მას განვიხილავთ, თუმცა მარტინი გუნდს ეხმარება, რაც მან პირველ ტურშიც დაამტკიცა. მას სხვადასხვა პოზიციაზე ერთნაირად კარგად თამაში შეუძლია. მასთან ერთად მუშაობა სასიამოვნოა, იგი ძალიან დისციპლინირებულია. მისთვის, მისაღებია, რომ ყოველთვის თამაშს ვერ შეძლებს. ჩემი აზრით, იგი უნდა დარჩეს.

პედრის თაობაზე ბევრი ვიფიქრეთ. ხვალიდან, იგი ორკვირიან დასვენებას იწყებს. ლუის ენრიკეს ვესაუბრე და და ისინი თავიანთ გადაწყვეტილებას მიიღებენ, რომელზეც მე ვერ ვისაუბრებ, მაგრამ ჩვენ მას ორკვირიან შვებულებას მივცემთ, რადგან ეს აუცილებელია.

ეს კლუბის გადასაწყვეტია და არა მწვრთნელის. ამ შემთხვევაში, ჩემი აზრი მნიშვნელოვანი არ არის.

მე “ბარსას” მწვრთნელი ვარ. იგი დიდებული ფეხბურთელია და ითამაშებს იქ, სადაც თავად გადაწყვეტს. ეს ჩემი პრობლემა არ არის.

გუნდში არიან ფეხბურთელები, რომლებსაც ნაკლები სათამაშო დრო ექნებათ. საბოლოო გადაწყვეტილებას ფეხბურთელები იღებენ. მათი სიტუაცია რთულია.

ფილიპე განაცხადში ვერ მოხვდა, რადგან ვფიქრობ, რომ გუნდთან ერთად ვარჯიში კიდევ ერთი კვირა უნდა გააგრძელოს. მე მას ვენდობი, ის დიდებული ფეხბურთელია და შეუძლია, “ბარსას” მნიშვნელოვანი ნაწილი გახდეს. ამ სეზონში მისი იმედი გვექნება.

მას რამდენიმე პოზიციაზე შეუძლია თამაშია, მაგალითად, მარცხენა ფლანგზე. მესის გარეშე, გოლები დავკარგეთ, რაც სხვა ფეხბურთელებში უნდა ვეძებოთ. ფილიპე ერთ-ერთი მათგანია.

პიკეს პრობლემა არ აქვს და თამაშს უპრებლემოდ შეძლებს. რაც შეეხება ტერ შტეგენს, მან გუნდთან ერთად ივარჯიშა, თუმცა მომზადება უნდა გააგრძელოს.

მე მას ორი-სამი კვირის წინ ვესაუბრე. ეს იყო უფრო პიროვნული საუბარი, ვიდრე მწვრთნელისა და ფეხბურთელის კონტაქტი. მისი სიტუაცია ძალიან მძიმეა. იგი კლუბის მომავალია, მაგრამ ჩვენთან არც თამაშობს და არ ვარჯიშობს. კლუბისგან ვიცი, თუ რას სთავაზობენ მას.

ჩემი რჩევაა, რომ ფულზე უფრო მნიშვნელოვანი ფეხბურთის თამაშია, მაგრამ ფეხბურთელმა და მისმა გარემოცვამ სხვაგვარად გადაწყვიტეს. ამით იმედგაცრუებული ვარ. ჩემთვის, საფეხბურთო საკითხები უფრო საინტერესოა, ვიდრე კონტრაქტები. 18 წლის ასაკში ფული ასეთი მნიშვნელოვანი არ უნდა იყოს.

პენიასი მესმის, მას თამაში სურს, თუმცა გარისკვას არ ვაპირებ. გუნდში სამი უმაღლესი დონის მეკარის ყოფნა მსურს, რათა სირთულეები თავიდან ავიცილოთ. ამ მომენტისთვის, მეკარეების თაობაზე სიახლე არაფერია.

ახალგაზრდებზე იმედებს ვამყარებ. ახლა, მათთვის, აუცილებელია, რომ ითამაშონ, თუ პირველ გუნდში არა, “ბარსა B-ში” მაინც. ვარჯიშის მიუხედავად, პრაქტიკა აუცილებელია. ნიკო, ისევე, როგორც სხვები, ამ კლუბის მომავალია.

გუნდში 5-6 ცენტრალური მცველის ყოფნა სასიხარულოა, ჩვენ ისინი გვჭირდება. უმტიტიზე უკვე ვისაუბრე, რომ მას შანსი ნაკლებად მიეცემა.

ლანგლე ერთადერთი ცაცია ცენტრალური მცველია. იგი სათამაშო დროს მიიღებს, თუმცა ეს გუნდის მიერ ნაჩვენებ თამაშზე იქნება დამოკიდებული. სანაკრებო პაუზის შემდეგ, კვირაში ორი თამაში გვექნება და თითოეული ფეხბურთელი გვჭირდება.