მესის “ბარსელონელები” უკვე ემშვიდობებიან

ლიონელ მესის “ბარსელონადან” წასვლა თანაგუნდელებისათვის მძიმე გადასატანი აღმოჩნდა.

მას შემდეგ რაც არგენტინელის კლუბის დატოვების ამბავი გაირკვა, მოთამაშეები ლეოს ინსტაგრამზე გამოქვეყნებული განცხადებებით გამოემშვიდობნენ.

სერხიო ბუსკეტსი: “შენ მაშინ მოხვედი, როდესაც ჯერ კიდევ პატარა ბავშვი იყავი და აქაურობას ისტორიაში საუკეთესო ფეხბურთელის სახელით ტოვებ. კლუბი აიყვანე უდიდეს სიმაღლეებზე და წარმატება გუნდურ და ინდივიდუალურ დონეზე მოიპოვე. მე  შენ და შენს ოჯახს მხოლოდ საუკეთესოს გისურვებთ, რადგან თქვენ ამას იმსახურებთ. მოგვენატრები.”

სერხიო ბუსკეტსი ლეოს სახლშიც სტუმრობდა და იქიდან 3 საათის შემდეგ წამოვიდა.

ანსუ ფატი: “ლა მასიაში” გაზრდილი ბიჭები ყოველთვის შენთან ერთად თამაშზე ოცნებობდნენ. თავს იღბლიანად ვთვლი, რადგან მე ეს მოვახერხე. მინდა მადლობა გადაგიხადო ერთად გატარეული 2 წლისთვის, ჩემს მიმართ შენი ამაგისა და შენგან მიღებული ცოდნისთვის. მე და ჩემი ოჯახი მუდამ მადლიერი ვიქნებით.”

ფილიპე კოუტინიო: “მადლობა ყველაფრისათვის. შენთან ერთად თამაში ჩემთვის უდიდესი პატივი იყო. მადლიერი ვარ, იმით თუ როგორ გვექცეოდი მე და ჩემს ოჯახს ამ დროის განმავლობაში. მომავალში დიდ წარმატებას გისურვებ, ღმერთმა დაგლოცოთ შენ და შენი ოჯახი.”