არტურო ვიდალი – ლა ლიგის საუკეთესო სნაიპერი

2 დღის წინ, “მალიორკასთან” შთამბეჭდავ გამარჯვებას სათავე არტურო ვიდალმა დაუდო. შესანიშნავი თავურით ჩილელმა საკუთარი დარტყმების სტატისტიკა გაიუმჯობესა.

9 დარტყმიდან 7 გოლი. Movistar-ის მიერ გამოქვეყნებული სტატისტიკის მიხედვით, კარში დარტყმების სიზუსტის მხრივ, ის საუკეთესო ფეხბურთელია. არტუროს კარში გადაგზავნილი ბურთებიდან 77.8% გოლით სრულდება.

ვიდალს მადრიდის “ატლეტიკოს” შემტევი, დიეგო კოსტა და “ხეტაფეს” ნახევარმცველი, დავიდ ტიმორი მოსდევენ.

ორივე მათგანმა კარში ზუსტად დარტყმული 4 ბურთიდან 3 გოლი გაიტანა.

ჩილელმა ფეხბურთელმა “მალიორკასთან” თამაში სასტარტო შემადგენლობიდან დაიწყო და გოლის გატანამდე 60 წამზე ოდნავ მეტი დასჭირდა.

საერთო ჯამში, არტურო ვიდალმა მიმდინარე სეზონში “ბარსას” მაისურით 31 შეხვედრაში მიიღო მონაწილეობა, მის ანგარიშზე 7 გოლი და 3 ასისტია. იმის გათვალისწინებით, რომ იგი ძირითად თერთემეტეულში მხოლოდ 14-ჯერ მოხვდა, აღნიშნული სტატისტიკა, საკმაოდ შთამაბეჭდავად გამოიყურება.