რობერტო, კინაღამ თავი მომაგლიჯე: კარლეს პუიოლმა “ელ კლასიკოს” ერთ-ერთი მომენტი გაიხსენა [ვიდეო]

თანამედროვე ფეხბურთში ძველ დროსთან შედარებით ბევრი რამ გვაკლია. განსაკუთრებით კი ის სათამაშო ვნება, რომლებიც წინა თაობის ფეხბურთელებს გააჩნდათ.

ამ მხრივ ერთ-ერთი ყველაზე გამოსარჩევი “ბარსელონას” კაპიტანი, კარლეს პუიოლი, იყო.

ლეგენდარული “ბლაუგრანელი” საფეხბურთო მოედანზე უშიშარი, გუნდის მუდმივი მოტივატორი და კაპიტნის ნამდვილი ეტალონი იყო. ამის დასადასტურებლად ბევრი ეპიზოდის გახსენება შეგვიძლია, თუმცა, ერთ-ერთი ყველაზე გამოსარჩევი კარლესმა სწორედ თავის ინსტაგრამ გვერდზე გამოაქვეყნა.

“დღეს ეს ვიდეო ვიპოვე, აქამდე ეს მომენტი ამ რაკურსით არ მინახავს… რობერტო, კინაღამ თავი მომაგლიჯე, მეგობარო,” ასე დაასათაურა კარლესმა ის ეპიზოდი, როდესაც რობერტო კარლოსის დარტყმული მან კარის ხაზიდან გამოიტანა.