ზაფხულში “ბარსელონას” შემადგენლობაში თავს 35 ფეხბურთელი მოიყრის

Mundo Deportivo “ბარსელონას” 2020-2021 წლების პოტენციურ შემადგენლობას გვთავაზობს, რომელიც Tribuna.com-მა დეტალურად განიხილა.

რატომ არის “ბარსას” შემადგენლობა გადატვირთული?

კატალონიურ კლუბში, მომავალი ზაფხულისათვის, “ლა მასიელების”, განათხოვრებულებისა და ახალწვეულების ჩათვლით, თავს 35 ფეხბურთელი მოიყრის. თანაც, აქედან ლა ლიგაზე თამაშის უფლება მხოლოდ 25 მოთამაშეს ექნება.

ამჟამად, პირველ გუნდში, ფრანსიშკუ ტრინკაუსა და მატეუს ფერნანდესის ჩათვლით, 19 მოთამაშე ირიცხება; “ბლაუგრანას” ამ მომენტისთვის იჯარით გაშვებული 9 ფეხბურთელი ჰყავს. აღნიშნული მოთამაშეებიდან გამოსარჩევი მარკ კუკურელიაა, რომელიც ნაწილობრივ “ხეტაფეს” საკუთრებაა, თუმცა კლუბს მისი დაბრუნება შეუძლია;

გარდა ამისა, “ბარსა ბ-ს” 8 ფეხბურთელი პირველ გუნდთან ერთად ვარჯიშობს და, შესაძლოა, დააწინაურონ; საერთო ჯამში, კატალონიური გრანდის მომავალი სეზონის შემადგენლობაში 4 ჯგუფი იკვეთება:

1. პირველი გუნდი,
2. განათხოვრებულები,
3. ახალწვეულები
4. სარეზერვო გუნდის მოთამაშეები.

რომელი ფეხბურთელები ქმნიან შესაბამის ჯგუფებს?

პირველი გუნდი

მარკ-ანდრე ტერ შტეგენი, ნეტუ; სერჟი რობერტო, ნელსონ სემედუ, ჟერარ პიკე, სამუელ უმტიტი, კლემან ლანგლე, ჟორდი ალბა, ჟუნიორ ფირპო; სერხიო ბუსკეტსი, ფრენკი დე იონგი, ივან რაკიტიჩი, არტურ მელო, არტურო ვიდალი; ლიონელ მესი, ლუის სუარესი, უსმან დემბელე, ანტუან გრიზმანი, მარტინ ბრაითუეიტი;

ახალწვეულები

მატეუს ფერნანდესი და ფრანსიშკუ ტრინკაუ;

განათხოვრებულები

მუსა ვაგე, ჟან-კლერ ტოდიბო, ხუან მირანდა, პედრი, ორიოლ ბუსკეტსი, კარლეს ალენია, რაფინია ალკანტარა, ფილიპე კოუტინიო;

ბარსა ბ

ინიაკი პენია, არაუხო, მონჩუ, რიკი პუჩი, კოლიადო, ანსუ ფატი.

რა შეიძლება შემადგენლობის შესამცირებლად გაკეთდეს? მოსალოდნელია, რომ მუსა ვაგე, რაფინია და ტოდიბო “კამპ ნოუზე” დაბრუნებისთანავე კლუბს დატოვებენ; სარეზერვო გუნდის მოთამაშეები, პლეი ოფის წარმატებით ასპარეზობის შემთხვევაში, “ბარსა ბ-ში” დაბრუბდებიან.

Mundo Deportivo “ლურჯ-ბროწეულისფერთა” ამჟამინდელ წევრებს მომავალს არ უწინასწარმეტყველებს, მიუხედავად იმისა, რომ გავრცელებული ცნობებით, კორონავირუსის პანდემიის მიყენებული ზარალის გამო, შესაძლოა, თითქმის ყველა მოთამაშე სატრანსფერო ბაზარზე დააყენონ (ლეო მესის, ტერ შტეგენისა და დე იონგის გარდა).