მესის სტატისტიკა ჩემპიონთა ლიგაზე

ლიონელ მესის, ჩემპიონთა ლიგაზე 100-ზე მეტი გოლი აქვს გატანილი. გადავხედოთ სტატისტიკას და ვნახოთ, რომელი კლუბების კარში უყვარს მას, ყველაზე მეტად გოლის გატანა.

• მესის ევროპულ ტურნირებზე, 11 950 წუთში, 117 გოლი აქვს გატანილი. (იგულისხმება სუპერ თასის ფინალებიც) ეს ნიშნავს, რომ გოლს ყოველ 102 წუთსა და 8 წამში ერთხელ იტანს;
• არგენტინელმა ევროპის 42 კლუბის წინააღმდეგ ითამაშა (16 ქვეყნის წარმომადგენელი) და გოლის გატანა ექვსი მათგანის წინააღმდეგ ვერ შეძლო. ეს კლუბებია: “ინტერი”, “ატლეტიკო”, “ბენფიკა”, “ნაპოლი”, “რუბინი” და “უდინეზე”;
• 2019 წლის 27 ნოემბერს, “დორტმუნდთან” გატანილი გოლით, მოხსნა რეკორდი. მესიმ გოლის გატანა 36-ე კლუბის წინააღმდეგ შეძლო;
• “ატლეტიკო” და “ინტერი” არიან კლუბები, რომელთანაც მესის, ყველაზე ხანგრძლივი მშრალი სერია აქვს – 360 წუთი უგოლოდ;
• “ჩელსის” წინააღმდეგ ყველაზე მეტი წუთი აქვს გატარებული. (835 წუთი, 10 მატჩის განმავლობაში). პირველი 730 წუთის განმავლობაში გატანა ვერ შეძლო, მაგრამ ბოლო ორ შეხვედრაში, ლონდონელთა კარი სამჯერ აიღო;
• მეკარე, რომელმაც ყველაზე დიდხანს შეინახა კარი მშრალად, მესის წინააღმდეგ, არის ჟულიო სეზარი – 270 წუთი. მეორე ადგილზეა “რუბინის” მეკარე, სერგეი რიჟიკოვი – 237 წუთი;
• მესიმ, ჩემპიონთა ლიგაზე, “არსენალის” წინააღმდეგ იმაზე მეტი გოლი გაიტანა 447 წუთის განმავლობაში, ვიდრე სხვა რომელიმე კლუბმა – 9 გოლი, 6 თამაშში. ერთი გოლი, ყოველ 49 წუთსა და 40 წამში.
• დატერორებული ჰყავს ლევერკუზენის “ბაიერიც” – 7 გოლი, 270 წუთში. ერთი გოლი, ყოველ 38 წუთსა და 34 წამში;
• დიდი ხუთეულის წარმომადგენლებთან, მესის სტატისტიკა ასეთია:

ბუნდესლიგის კლუბებთან – ერთი გოლი, ყოველ 73 წუთსა და 32 წამში.

პრემიერ ლიგის კლუბებთან – გოლი გააქვს ყოველ 101 წუთსა და 12 წამში.

ლიგა 1-ის კლუბებთან (128 წუთი).

სერია ა-ს კლუბებთან (166 წუთი და 10 წამი).

ლა ლიგის კლუბებთან (187 წუთი და 30 წამი).

• მესის ძალიან უყვარს ინგლისელები. საერთო ჯამში, მათ წინააღმდეგ 26 გოლი აქვს გატანილი;
• მესის უყვარს ბოლო წუთებზე გატანა – 86-ე წუთიდან საფინალო სასტვენამდე 14 გოლი აქვს შეგდებული.
• ჩემპიონთა ლიგაზე, მესის გატანილი აქვს 12 თერთმეტმეტრიანი და სამი აქვს გაცუდებული.

  [media=https://www.youtube.com/watch?v=-iguctBnH7w]