“ბარსელონას” ბორდმა, შესაძლოა, მიმდინარე სეზონში თამაშზე უარი განაცხადოს

“ჯანმრთელობა ყველაფერზე წინ დგას და  ჩვენ ფეხბურთელების ჯანმრთელობას თამაშის გამო რისკის ქვეშ ვერ დავაყენებთ.” – ეს “ბარსას” ბორდის ერთ-ერთი წევრის სიტყვებია.

კლუბის მთავარი საბჭო ოფიციალური თამაშების განახლების წინააღმდეგია მანამ, სანამ მატჩები სარისკო გარემოში ჩატარდება. მათი მთავარი მოთხოვნა არა მარტო თამაშების დახურულ კარს მიღმა ჩატარებას არამედ, პირველი გუნდის ფეხბურთელების ერთმანეთისგან დაცვას შეეხება.

მათი აზრით, მარტივია ვარჯიშის დროს პროტოკოლის დაცვა, თუმცა ოფიციალური თამაშებისას ყველაფრის კონტროლს ვერ შეძლებენ.

უშუალოდ “ბარსას” სავარჯიშო ბაზებსა და მოედნებზე შესაძლებელია სხვადასხვა სანიტარული ნორმების დაცვა, თუმცა სრული გარანტიის მიცემა იმაზე, რომ კორონავირუსისგან მაქსიმალურად დაცულნი იქნებიან მოგზაურობისას, შხაპის მიღებისას და მოედანს გარეთ ადამიანებთან ურთიერთობისას, არავის შეუძლია.

ამასთანავე, რამდენიმე კლუბმა ფეხბურთელებისთვის კორონავირუსის ტესტების ჩატარებაზე უარი განაცხადა, რაც დაავადების გადადების კიდევ ერთი მიზეზი შეიძლება იყოს.