“მესი გერმანიის წინააღმდეგ უსარგებლო იყო”: ლეოს ჰეითერების სასირცხვილო მითი

1) ლეო მესის Whoscored-ისგან 7.03 შეფასება ჰქონდა, რაც არგენტინის შემტევი ხაზიდან საუკეთესო მაჩვენებელი გახლდათ.

2) კაპიტანმა 37 პასი შეასრულა, რაც ნამდვილად კარგი შედეგია, გერმანელთა 60%-იანი ბურთის ფლობის გათვალისწინებით.

3) ლეოს პასების სიზუსტე 70% იყო, რაც არაა იდეალური მაჩვენებელი, თუმცა იმის გათვალისწინებით, რომ მუდმივად თანაგუნდელებისთვის შანსების მიცემას ცდილობდა, ლოგიკურია. გარდა ამისა, მას 4 გამჭოლი პასი და 2 ჩაწოდება ჰქონდა.

4) მას ჰქონდა 7 წარმატებული დრიბლინგის მცდელობა, რაც ერთით მეტია მთლიანად გერმანელთა მაჩვენებელზე ამ მატჩში.

5) მესიმ მხოლოდ 5-ჯერ დაკარგა ბურთი და ორჯერ დაჯარიმდა.

6) ჯამში კი მას 4 დარტყმა დაუგროვდა, რაც ორივე გუნდის რიგებში საუკეთესო შედეგი იყო. აღსანიშნავია, რომ აქედან მხოლოდ 1 იყო შედარებით მისაღები პოზიციიდან შესრულებული.