ბართომეუსთვის თამაში დასრულებულია

ლეო მესიმ ყველაფერი საკუთარ თავზე აიღო მას შემდეგ, რაც კლუბის ამჟამინდელი ხელმძღვანელობის წინააღმდეგ მეორე მნიშვნელოვანი ნაბიჯი გადადგა. მის განცხადებაში, სადაც ფეხბურთელების ხელფასების 70%-იან შემცირებაზე იყო საუბარი, არგენტინელმა თქვა, რომ კლუბის ხელმძღვანელობა ფეხბურთელებს დამატებითი წნეხის ქვეშ აქცევს.

კაპიტანს მხარი მისმა 14-მა თანაგუნდელმა დაუჭირა. მათ სოციალურ მედიაში ეს განცხადება გაზიარებული ჰქონდათ.

Marca-ს ჟურნალისტი კარმენ ტორესი იუწყება, რომ “ბარსას” ფეხბურთელებმა დიდი ხანია კლუბის ოფიციალური პირების მიმართ ნდობა დაკარგეს და შესაბამისად, ცდილობენ, რომ თავი მათგან შორს დაიჭირონ.

ამავე დროს, ადგილობრივმა მედიამ ცრუ ინფორმაცია გაავრცელა იმის შესახებ, რომ ფეხბურთელები ხელფასების 70%-იან შემცირებაზე უარს ამბობდნენ.

ლეო მესის განცხადებაში ვკითხულობთ:

“ჩვენ გვსურდა ხელფასების შემცირება, რადგანაც ვიაზრებთ, თუ რამდენად განსაკუთრებულია აღნიშნული შემთხვევა. ყველა გავოცდით მას შემდეგ, რაც კლუბმა ჩვენი გამოცდა გადაწყვიტა და ზეწოლის ქვეშ მოგვაქცია იმით, რის გასაკეთებლადაც ყოველთვის მზად ვიყავით.”