“ლევერკუზენი” კაი ჰავერცს ვეღარ შეინარჩუნებს

“ლევერკუზენის” ნახევარმცველის, კაი ჰავერცის, მომავალთან დაკავშირებით “ბარსელონა” უკვე მრავალჯერ იყო ხსენებული. ახლახანს კი, გერმანული გუნდის მთავარმა მწვრთნელმა, პიტერ ბოშმა, Algemeen Dagblad-ს განუცხადა, რომ მათთვის კაი ჰავერცის დატოვება შეუძლებელი იქნება: “მომდევნო ზაფხულს ჩვენ მას ვერ შევინარჩუნებთ”.

GGFN ციტირებს: “ეს ტრანსფერი 100 მილიონ ევროზე მეტი დაჯდება. ამ შემთხვევაში, ადგილი აქვს გუნდის მიერ ტალანტის განვითარებასა და შემდეგ მის გაყიდვას. სულ მცირე 100 მილიონით ჩვენს გუნდს მინიმუმ სამ პოზიციაზე გავაძლიერებთ.”

გერმანული სატელევიზიო არხის, Sport 1-ის მიხედვით “ბაიერნი”, პსჟ, “ლივერპული” და “ბარსელონა” გერმანელი ამომავალი ვარსკვლავით არიან დაინტერესებულნი.

ჰავერცი ახლახანს გახდა ყველაზე ახალგაზრდა მოთამაშე, რომელმაც ბუნდესლიგაში 30 გოლი გაიტანა. ეს ყოველივე მან 20 წლისა და 270 დღის ასაკში მოახერხა, რითაც ლეგენდარულ კლაუს ფიშერს გადაასწრო.

კაი ჰავერცმა განსაკუთრებული განაცხადი გასულ სეზონში გააკეთა. 20 წლის ფეხბურთელმა ყველა ტურნირზე ერთად 20 გოლი და 7 საგოლე გადაცემა მიითვალა.

ნახევარმცველი ასევე შთამბეჭდავია მიმდინარე სეზონში, 33 მატჩში მის ანგარიშზე 9 გოლთან ერთად 8 ასისტია.

გერმანელმა ვუნდერკინდმა უკვე 7 მატჩი ჩაატარა ეროვნული ნაკრების შემადგენლობაში და 1 გოლის გატანაც მოახერხა.