ინიესტამ მეორე იაპონური ტიტული დრამატულ ბრძოლაში მოიგო [ვიდეო]

“ბარსელონას” ლეგენდამ, ანდრეს ინიესტამ, “ვისელ კობეში” გადასვლის შემდეგ უკვე მეორე ტიტული მოიგო. 

“კობე” იმპერატორის თასის გამარჯვებულის რანგში იაპონიის მოქმედ ჩემპიონს, “იოკოჰამა ფ. მარინოსს” სუპერ თასზე დაუპირისპირდა. 

მატჩის ძირითადი დრო 3-3 დასრულდა. პენალტების სერიაში, რომელშიც ინიესტამ თავისი დარტყმა ზუსტად შეასრულა, ფეხბურთელებმა ზედიზედ 9 დარტყმა ვერ გამოიყენეს, საბოლოოდ კი გამარჯვება “ვისელ კობეს” დარჩა. 

საინტერესოა, რომ ტურნირის საპრიზო თანხა, 30 მილიონი იენი, “ბარსას” ყოფილი კაპიტნის ყოველკვირეულ ხელფასზე ნაკლებია.