ინგლისელმა ტალანტმა “ბარსელონას” იმედები ვერ გაამართლა: 17 წლის ცენტრფორვარდმა კლუბი დატოვა

ლუი ბარი, რომლის დამატებისთვის “ბარსელონას” საკმაოდ სერიოზული სატრანსფერო და ლეგალური ბრძოლის გადატანა მოუხდა, “ლა მასიაში” გადმოსვლიდან დაახლოებით 6 თვეში კატალონიიდან წავიდა. 

ინგლისელი ცენტრალური თავდამსხმელი 1 მილიონი ევროს სანაცვლოდ “ასტონ ვილაში” გადავიდა, რომელიც, ბრიტანული კლუბის აკადემიის მენეჯერის თქმით, მისი ოჯახის საყვარელი გუნდია. 

ბარიმ “ბარსას” ახალგაზრდულ გუნდთან ერთად ესპანეთის ჩემპიონატში სულ 7 მატჩი ჩაატარა, რომელშიც ორი გოლი გაიტანა. მან ასევე ითამაშა UEFA-ს ახალგაზრდულ ლიგაზე. როგორც გახსოვთ, “ბარსელონამ” ამ ტურნირზე “ინტერთან”, “დორტმუნდსა” და “სლავიასთან” 6-დან 5 მატჩი წააგო და ჯგუფში ბოლო ადგილი დაიკავა.