“ბარსელონამ” გადახალისებული შემადგენლობით “უესკასთან” ქულა აიღო

ლა ლიგის 32-ე ტურში, “ბარსელონა” სტუმრად “უესკას” დაუპირისპირდა. 

ერნესტო ვალვერდემ ლიდერები დაასვენა და მატჩში მონაწილეობა იმ ფეხბურთელებმა მიიღეს, რომელთაც ნაკლები სათამაშო პრაქტიკა აქვთ. მატჩი ფრედ, 0-0 დასრულდა. 

ჩემპიონატის დასრულებამდე 6 ტურით ადრე, “ბარსას” 74 ქულა აქვს, რაც მადრიდის “ატლეტიკოს” ქულებზე 12-ით მეტია. ამ ტურში, “ატლეტიკო” საკუთარ მოედანზე “სელტას” შეხვდება, რომელიც დარჩენისთვის იბრძვის. 

კატალონიელები მომდევნო შეხვედრას ჩემპიონთა ლიგაზე, “მანჩესტერთან”, 16 აპრილს გამართავენ. გუნდი ლა ლიგას 20 აპრილს, “სოსიედადთან” თამაშით დაუბრუნდება.