“ბარსელონა” ახალგაზრდა ფრანგი თავდამსხმელით დაინტერესდა

16 წლის ფრანგი ფეხბურთელის, იზაკ ლიაჯის შეძენის სურვილს რამდენიმე ევროპული გრანდი, მათ შორის, “ბარსელონაც” გამოხატავს. ლიაჯი “მარსელის” აკადემიის წევრია და მარჯვენა ფორვარდის პოზიციაზე თამაშობს. სერიოზული დაინტერესებიდან გამომდინარე, ფრანგულ კლუბს სურს, ფეხბურთელთან პროფესიონალური კონტრაქტი მალე გააფორმოს, იმისთვის, რომ მისი უფასოდ დაკარგვა თავიდან აიცილოს. 

10 წლის ასაკში, იზაკმა “ლა მასიაში” შემოწმება გაიარა და კარგი შთაბეჭდილება დატოვა, მაგრამ კატალონიაში გადასვლაზე უარი თქვა. 

“მარსელის” სპორტული დირექტორის პოსტზე ანდონი სუბისარეტა მუშაობს. შესაძლოა, ამ ფაქტორმა “ბარსელონას” ხელი შეუწყოს.