“ბარსელონას” რაკიტიჩის გაყიდვა არ სურს

“ბარსელონას” ხორვატი ნახევარმცველი, ივან რაკიტიჩი კლუბში შემდეგ სეზონშიც იქნება, იტყობინება COPE.

მიუხედავად იმისა, რომ რაკიტიჩის შეძენით უამრავი ევროპული გუნდია დაინტერესებული, ხორვატი მინიმუმ ერთ სეზონს კიდევ დარჩება “ბარსელონაში”.

ჟოზეპ მარია ბართომეუს და ერნესტო ვალვერდეს უნდათ, რომ რაკიტიჩმა კლუბთან კონტრაქტი გაახანგრძლივოს. ხორვატსაც არაერთხელ უთქვამს, რომ “ბარსელონაში” დარჩენა სურს.

ხორვატი ნახევარმცველი “ბარსელონას” ერთ-ერთი საკვანძო ფიგურაა. მან მიმდინარე სეზონში 43 მატჩი ჩაატარა, გაიტანა 5 გოლი და გააკეთა 9 საგოლე გადაცემა.

შეგახსენებთ, რომ ივან რაკიტიჩით შემდეგი გუნდები ინტერესდებიან – “ინტერი”, “იუვენტუსი”, “მანჩესტერ იუნაიტედი”, “არსენალი” და “პარი სენ-ჟერმენი”.