“ბარსელონამ” ლიდერობა დაკარგა, პირველ ადგილზე “სევილიაა”

გუშინ, “ატლეტიკოს” კარში ბოლო წუთზე გატანილმა გოლმა “ბარსელონას” უახლოეს მდევართან ერთქულიანი უპირატესობა და პირველი ადგილი შეუნარჩუნა, მაგრამ მხოლოდ დროებით. იქვე ჩასაფრებულმა “სევილიამ” ახლახანს “ვალიადოლიდი” დაამარცხა და ორივე გუნდს გადაუსწრო. 

შეხვედრაში ერთადერთი გოლი გავიდა. 30-ე წუთზე, ანდრე სილვამ თავური დარტყმით შეაგდო. 

ახლა, ლა ლიგის ლიდერ “სევილიას” 26 ქულა აქვს, “ბარსას” კი – 25. მე-3 ადგილზე 24 ქულით “ატლეტიკოა”, ხოლო მე-4 პოზიციას 23 ქულით “ალავესი” იკავებს. 

მომდევნო ტურში, “ბარსელონას” მეტოქე “ვილიარეალი” იქნება. ეს მატჩი 2 დეკემბერს გაიმართება, იქამდე კი, 28 ნოემბერს, კატალონიელები ჩემპიონთა ლიგაზე პსვ-ს ესტუმრებიან.