მთავარ შიგთავსზე გადასვლა
ჩაერთე პროგნოზების ლიგაში და გამოიცანი მატჩების შედეგები! ითამაშე პროგნოზების ლიგა! თამაში
მდგომარეობა ლა ლიგის ცხრილის სათავეში

მდგომარეობა ლა ლიგის ცხრილის სათავეში

“ბარსელონას” მსგავსად, ლა ლიგის მე-12 ტურის მატჩები სატურნირო ცხრილის პირველ ხუთეულში მყოფმა სხვა გუნდებმაც გამართეს. 

“ატლეტიკომ” მძიმე ბრძოლაში ბილბაოს “ატლეტიკი” 3-2 დაამარცხა; “ალავესმა” აუტსაიდერ “უესკას” 2-1 მოუგო; ახლახანს კი “სევილიას” და “ესპანიოლის” დაპირისპირება დასრულდა. 

გამარჯვების შემთხვევაში, “ესპანიოლი” “ბარსას” ქულებით გაუთანაბრდებოდა და მასთან ერთად, პირველ ადგილს გაიყოფდა. ამისკენ პირველი ნაბიჯი ბორხა იგლესიასმა გადადგა, რომელმაც მასპინძლების კარი 38-ე წუთზე აიღო და სტუმრებს პირველი ნახევარი მოაგებინა. თუმცა, კატალონიელებმა უპირატესობა ვერ შეინარჩუნეს. მატჩის 70-ე წუთზე, გაბრიელ მერკადომ ანგარიში გაათანაბრა, 89-ზე კი ვისამ ბენ იედერმა “სევილია” დააწინაურა. საბოლოოდ, 3 ქულა ანდალუსიელებმა აიღეს. 

ახლა, ესპანეთის ჩემპიონატში ასეთი მდგომარეობაა:

24 ქულიან ლიდერ “ბარსელონას” ერთი ქულით სამი კლუბი ჩამორჩება: “სევილია”, “ატლეტიკო”, და “ალავესი”. მეხუთე ადგილზე 21 ქულით “ესპანიოლია”, მადრიდის “რეალი” კი, რომელსაც ამ ტურში ჯერ არ უთამაშია, ხუთეულში შესვლას გამარჯვების შემთხვევაშიც ვერ მოახერხებს. 

ითამაშე პროგნოზების ლიგა!

გამოიცანი ბარსელონას მატჩების შედეგები, დააგროვე ქულები და გახდი საუკეთესო პროგნოზისტი.

თამაში