38 წლის ხუან კარლოს ნავარომ, რომელიც “ბარსელონას” საკალათბურთო გუნდის ყველა დროის საუკეთესო მოთამაშედაა მიჩნეული, კარიერა დაასრულა.
ნავაროს ანგარიშზე “ბარსა ლასას” რიგებში გატარებულ 20 სეზონში 1 139 ოფიციალური შეხვედრა, 13 609 ქულა და 35 ტიტულია. მისი თამაშის პერიოდში, კატალონიელები ესპანეთის ჩემპიონები 8-ჯერ გახდნენ, ასევე მოიგეს 7 კოპა დელ რეი, 5 ესპანეთის სუპერ თასი, 2 ევროლიგა, 1 კორაჩის თასი და 12 კატალონიის ლიგა.
ნავარომ ამ წარმატებებში უდიდესი როლი ითამაშა და არაერთი პერსონალური ჯილდოც მოიპოვა. ის ტურნირების MVP 9-ჯერ გახდა, მათ შორის 2009 წელს ევროლიგაზე და 2010 წელს ევროლიგის ფინალში.
ესპანელმა კალათბურთელმა ძალები NBA-შიც მოსინჯა: მან 2007/08 წლების სეზონი “მემფის გრიზლიში” გაატარა, თუმცა “ბარსელონაში” მალევე დაბრუნდა.



ლა ბომბა <3
ნავარო როგორ მიყვარს ეს კაცი სასწაულია კალადბურთის ინიესტა ბრწყინვალეა წარმატებები კარლოს ❤️❤️❤️❤️
ნავაროსა და გასოლების გამო მიყვარს ესპანეთის საკალათბურთო ნაკრები
ეს პოლ და მარკ გასოლები იმენა მევასება რააა მაგარი ხალხია
დრაფტზე იყო გასული, დალასშია ნოვიცკთან ერთად)))