“ევერტონი” და “ნაპოლი” “ბარსელონას” მარცხენა მცველისთვის იბრძოლებენ

ლივერპულის “ევერტონს”, რომელიც დაცვის ხაზის გაძლიერებას “ბარსელონას” ხარჯზე აპირებს, “ნაპოლისთან” მოუწევს ბრძოლა. ამ კლუბების გზები მარცხენა მცველის პოზიციაზე იკვეთება: იერი მინას გარდა, “კანფეტებს” ლუკა დინის დამატებაც სურთ. 

“ევერტონის” ინტერესთან დაკავშირებით ინფორმაცია პირველად რამდენიმე დღის წინ გავრცელდა, ახლა კი, Calcio Mercato-ს მეშვეობით გავიგეთ, რომ ინგლისურ კლუბს კონკურენტი გამოუჩნდა და ეს “ნაპოლია”, გუნდი, რომელმაც გასულ სეზონში სერია ა-ს უდავო ფავორიტ “იუვენტუსს” სერიოზული პრობლემები შეუქმნა. 

თუ შეთანხმება “ევერტონთან” შედგება, “ბარსელონა” 24.6 მილიონ ევროს მიიღებს, ნეაპოლელების შეთავაზების დეტალები კი ჯერჯერობით უცნობია.