აგუსტი ბენედიტო ხელმძღვანელობას უნდობლობას უცხადებს

“ბარსელონას” პრეზიდენტობის ყოფილი კანდიდატი, აგუსტი ბენედიტო გეგმავს, რომ კლუბის ამჟამინდელ ხელმძღვანელობას უნდობლობა გამოუცხადოს, იტყობინება Mundo Deportivo.

ბენედიტო ბართომეუსა და მის თანამშრომელებს არაკომპეტენტურ პირებად მიიჩნევს და ამბობს, რომ “ბლაუგრანა” ბოლო 40 წლის განმავლობაში ყველაზე სერიოზულ ინსტიტუციურ კრიზისს განიცდის.

აგრეთვე, მან განაცხადა, რომ კლუბმა პროკურატურასთან ნეიმარის საქმის დახურვისთვისა და ბართომეუს გადარჩენისთვის სამარცხვინო ხელშეკრულება გააფორმა.

ბენედიტოს განკარგულებაში 14 დღეა იმისთვის, რომ უნდობლობის ვოტუმის გამოსაცხადებლად ესპანური გრანდის წევრთა 15%-ის ხელმოწერა მიიღოს.