კლუბის ხელმძღვანელობამ, შესაძლოა, თასის ფინალს ბოიკოტი გამოუცხადოს

“ბარსელონას” ხელმძღვანელობამ, შესაძლოა, პროტესტის ნიშნად, ესპანეთის სამეფო თასის ფინალზე დასწრებაზე უარი განაცხადოს. ამ ინფორმაციას კლუბის ვიცე-პრეზიდენტი კარლეს ვილარუბი ავრცელებს.

“ბარსელონამ”, შესაძლოა, ეს, პროტესტის ნიშნად გააკეთოს, რადგან გულშემატკივრებს ფინალის დროს კატალონიის დამოუკიდებლობის გამომხატველი დროშების გამოყენების უფლება არ ექნებათ.

მატჩზე აუცილებლად წავლენ ფეხბურთელები და ისინი მოგებას შეეცდებიან. ხელმძღვანელობის არყოფნა მხოლოდ ექსტრაორდინალური სიტუაციით იქნება განპირობებული. თუმცა, ამ საკითხმა სპორტულ მხარეზე გავლენა არ უნდა მოახდინოს. ჩვენ საფეხბურთო კლუბი ვართ და მოგება გვინდა. სხვა საკითხები ინსტიტუციონალურია და თუ ინსტიტუციონალური გადაწყვეტილების მიღება იქნება საჭირო, ჩვენ ამას გავაკეთებთ.”