“ბარსელონას” 2026/27 წლების სეზონის წინასასეზონო მზადება დაწყებულია. ორშაბათს ჩატარებული სამედიცინო შემოწმებისა და ფიზიკური ტესტების შემდეგ, სამშაბათს ჰანსი ფლიკის გუნდმა ამ სეზონში პირველად ივარჯიშა “სიუტატ ესპორტივას” ბაზაზე.
მსოფლიო ჩემპიონატის მონაწილეების გარეშე
ვარჯიშში პირველი გუნდის 9 ფეხბურთელი მონაწილეობდა: მარკ-ანდრე ტერ შტეგენი, ვოიცეხ შჩესნი, ალეხანდრო ბალდე, ანდრეას კრისტენსენი, მარკ კასადო, ჟერარ მარტინი, მარკ ბერნალი, ექტორ ფორტი და რუნი ბარდჯი. შემადგენლობის დანარჩენი ნაწილი კლუბს მსოფლიო ჩემპიონატზე გამოსვლის დასრულების შემდეგ დაუბრუნდება.
სესიაში ასევე მონაწილეობდნენ ფეხბურთელები “ბარსელონა ატლეტიკისა” და 19-წლამდელთა გუნდებიდან: ჟოფრე ტორენტსი, ალვარო კორტესი, ჰაფიზ გარიბა, ტომი მარკესი, ორიან გორენი, ებრიმა ტუნკარა, იბრაჰიმ დიარა, გილერმო ფერნანდესი, ალექს გონსალესი, შეინ კლუივერტი, ოსკარ ჟისტაუ, ტონი ფერნანდესი, არონ იააკობიშვილი, ჩავი ესპარტი, ჰამზა აბდელკარიმი და ბრაიან ფარინიასი.
ოთხშაბათს ორჯერადი ვარჯიში
პირველი ვარჯიშის დასრულების შემდეგ, გუნდი სამუშაო პროცესს ოთხშაბათს დაუბრუნდება, როდესაც წინასასეზონო ეტაპის პირველი ორჯერადი ვარჯიში გაიმართება. საწვრთნელი სესიები თბილისის დროით 11:30 და 20:00 საათებზეა დაგეგმილი.
კომენტარები (0)