პედრიმ გუნდთან ერთად ივარჯიშა, დემბელემ და დემირმა – არა

დღეს, საღამოს, “სიუტატ ესპორტივაზე” სავარჯიშო სესია გაიმართა.

საშობაო არდადეგების შემდეგ, ფეხბურთელები ვარჯიშს დაუბრუნდნენ, თუმცა არა სრული შემადგენლობით.

ვარჯიში იუსუფ დემირმა და უსმან დემბელემ გამოტოვეს. ამ უკანასკნელმა კლუბს აცნობა, რომ თავს შეუძლოდ გრძნობს და PCR ტესტის პასუხს ელოდება. ავსტრიელი კი, როგორც მოსალოდნელი იყო, “ბარსელონას” ტოვებს. კლუბი მისი იჯარის შეწყვეტას აპირებს. დემირმა კარიერა შესაძლოა გერმანიის ბუნდესლიგაში გააგრძელოს.

კარგი ამბავია პედრის დაბრუნება. მან ვარჯიში სრულად ჩაატარა და “მალიორკასთან” თამაშის შესაძლებლობა არსებობს, თუმცა გადაწყვეტილება, ჯერჯერობით, მიღებული არ არის. ასევე, სესიაში მონაწილეობა მიიღო ახალწვეულმა ფერან ტორესმა. ანსუ ფატიმ და მემფის დეპაიმ გუნდურად ივარჯიშეს, თუმცა არა სრული დატვირთვით.

La il·lusió del primer entrenament pic.twitter.com/aJrBlpPB5Z

— FC Barcelona (@FCBarcelona_cat) December 28, 2021

Boom, there you have it@FerranTorres20's first Barça workout pic.twitter.com/49Ej4PDb0q

— FC Barcelona (@FCBarcelona) December 28, 2021

სერჟინიო დესტმა, ჟერარ პიკემ, რონალდ არაუხომ, ფილიპე კოუტინიომ და ნეტუმ სესია კლუბის ნებართვით გამოტოვეს. მათ გარდა, ვერ ივარჯიშეს კოვიდინფიცირებულებმა და ტრავმირებულებმა: მარტინ ბრეითუეიტი, სერჟი რობერტო, ჟორდი ალბა, ალეხანდრო ბალდე, კლემან ლანგლე და დანი ალვესი.