მერვედფინალური მატჩების დრო და თარიღი ცნობილია

16 კლუბის დაწყვილების შემდეგ, UEFA-ს შტაბში ჩემპიონთა ლიგის მერვედფინალების თარიღი და დროც გაირკვა.

“ბარსელონა” თავის პირველ შეხვედრას იტალიაში, “სან პაოლოზე” გამართავს. მატჩი 25 თებერვალს ჩატარდება და თბილისის დროით 23:55 საათზე დაიწყება. 

საპასუხო შეხვედრას “კამპ ნოუ” ანალოგიურ დროს, 18 მარტს უმასპინძლებს. 

1/8-ფინალური მატჩების დამატებამ, შესაძლოა, “ბარსას” კალენდარში ცვლილება გამოიწვიოს – “ნაპოლისთან” პირველ მატჩსა და “ეიბართან” ლიგის შეხვედრას შორის თავისუფალი მხოლოდ ერთი დღეა.