რის გამო ათავისუფლებენ ვიქტორ ვალდესს თანამდებობიდან?

ესპანურ პრესაში აქტიურად იწერება იმის შესახებ, რომ მალე “ბარსელონა” “იუვენილ A”-ს მთავარ მწვრთნელს, ვიქტორ ვალდესს თანამდებობიდან გაათავისუფლებს.

Mundo Deportivo გვთავაზობს 6 მიზეზს, რის გამოც კლუბში ვალდესის მომავალს განიხილავენ:

• ვალდესი არ იყენებს ფეხბურთელებს, რომელთა შენარჩუნებაშიც კლუბმა დიდი თანხა დახარჯა (მაგალითად, ილიაშ მორიბა).
• ვიქტორს არ უნდა, რომ მისმა ფეხბურთელებმა “ბარსელონა ბ”-ში ითამაშონ. ის ვარჯიშებს დილის საათებში ატარებს, რის გამოც ზოგიერთ მოთამაშეს სკოლის გაცდენა უწევს.
• ვალდესი იყენებს იმ შემადგენლობას, რომელსაც თავად მიიჩნევს საჭიროდ და არ ითვალისწინებს კლუბის მოთხოვნებს.
• ვალდესი ახალგაზრდულ ჩემპიონთა ლიგაზე “ბარსელონა ბ”-ს ფეხბურთელების გამოყენებაზე უარს ამბობს. ის მხოლოდ თავის მოთამაშეებს ენდობა.
• კლუბს სურს, რომ ვიქტორმა გუნდი 4-3-3 სქემით ათამაშოს, მაგრამ ის 4-4-2 განლაგებას იყენებს.
• იმის გამო, რომ ვალდესი არ ესწრება საერთო სადილებს, უარს ამბობს ინტერვიუებზე და მესამე ადგილისთვის მატჩში მონაწილეობის მიღებაზე, ის კლუბის იმიჯზე ცუდად მოქმედებს.

ასევე, ვრცელდება ინფორმაცია იმის შესახებ, რომ ვიქტორს “ბარსელონას” ახალგაზრდული აკადემიის დირექტორთან, პატრიკ კლიუვერტთან  კონფლიქტი აქვს.

Sport იტყობინება, რომ ვალდესს თანამდებობიდან 7 ოქტომბერს გაათავისუფლებენ.