“ბარსელონას” ისტორიაში საუკეთესო გოლის ავტორად ლეო მესი დასახელდა

“ბარსელონას” ისტორიაში საუკეთესო გოლი გამოვლენია და რა გასაკვირია, რომ მისი ავტორი კატალონიური კლუბის ლიდერი ლიონელ მესია.

“ბლაუგრანას” გულშემატკივრებში გამოკითხვა დაახლოებით 3 თვის წინ დაიწყო. კონკურსში 64 გოლი მონაწილეობდა, რომელთაგანაც ფინალში 4 გავიდა. აქედან 3 ლეო მესის ეკუთვნოდა (“ხეტაფესთან”, “რეალთან” და “ბილბაოსთან”), ხოლო ერთი სერჟი რობერტოს (“პარი სენ-ჟერმენთან”).

ფინალში, დიდი უპირატესობით (45%) მესის მიერ “ხეტაფეს” კარში გატანილმა გოლმა გაიმარჯვა. არგენტინელს ეკუთვნის მე-2 (“ბილბაოსთან”, ესპანეთის თასის ფინალში, 28%), და მე-3 (“რეალთან”, ჩემპიონთა ლიგაზე, 16%) ადგილებიც. მე-4 პოზიციაზე, 11%-ით, სერჟი რობერტოს მიერ “პარი სენ-ჟერმენის” კარში გატანილი უმნიშვნელოვანესი გოლი გავიდა.

გასული 3 თვის განმავლობაში, გამოკითხვაში მონაწილეობა “ბარსელონას” 500 ათასამდე გულშემატკივარმა მიიღო.