კატალონიის “ბარსელონამ” ბოლო 2011 წლის 16 თებერვალს განიცადა მარცხი ჩემპიონთა ლიგაზე. “ემირეითებზე” “არსენალმა” 2:1 მოუგო კატალონიურ გრანდს. მას შემდეგ არცერთი შეხვედრა არ წაუგიათ კატალონიელებს და ის სეზონი ტრიუმფითაც დაასრულეს (“უემბლის” ფინალი). აღსანიშნავია, რომ “ლურჯ-ბროწეულისფერებმა” ჯგუფური ეტაპიც მარცხის გარეშე გადალახეს და ზედიზედ 13 მატჩში გამოვიდნენ დაუმარცხებელნი.
“ემირეითსიდან” “უემბლიმდე”
მას შემდეგ, რაც “ბარსა” 1:2 დამარცხდა “არსნელთან”, შესანიშნავი “ქამბექი” გამოუვიდა საკუთარ არენაზე და 3:1 დაამარცხა მეტოქე. 1/4 ფინალში დონეცკის “შახტარს” სახლში 5:1 მოუგო, ხოლო გასვლაზე 0:1. 1/2 ფინალში მადრიდის “რეალს” 0:2 მოუგო გასვლაზე, ხოლო 1:1 ეთამაშა “კამპ ნოუზე”. ფინალი კი გაიმართა ინგლისში, “უემბლიზე”. “ბარსელონას” მსხვერპლი ამჯერად “მანჩესტერ იუნაიტედი” აღმოჩნდა. კატალონიელებმა ინგლისელები 3:1 დაამარცხეს.
6 გამარჯვება გასვლით მატჩებში
გუნდმა შესანიშნავი ასპარეზობა დაიწყო წელს ჩემპიონთა ლიგაზე. მიუხედავად იმისა, რომ ჯგუფური ეტაპის პირველი შეხვედრა საკუთარი მოედანზე 2:2 ითამაშეს, დარჩენილი 5 მატჩი თავის სასარგებლოდ დაასრულეს. “ლევერკუზენთან” გამარჯვების შემდეგ კი დააგროვეს ზედიზედ 6 მოგება გასვლაზე. ეს კლუბის ისტორიაში საუკეთესო შედეგია.



