Mundo Deportivo და Sport ბარსელონას გუშინდელ პერფორმანსზე

კატალონიური გამოცემები Mundo Deportivo და Sport “ბარსელონას” გუშინდელ მოგებას ეხმაურებიან.

Mundo Deportivo

“ბარსაში” ფერანის ადაპტაციამ წარმატებით ჩაიარა – ის გუნდისთვის ბევრს ნიშნავს და სივრცეებს ქმნის როგორც თავისთვის, ისე თანაგუნდელებთისთვის. ტორესი თამაშს შესანიშნავად კითხულობს, მთავარი პრობლემა მხოლოდ გოლების გატანა იყო, თუმცა, ნელ-ნელა ეს ასპექტიც უმჯობესდება. ამ ყველაფერზე გავლენა პედრისთან მეგობრობამაც იქონია.

ფერანმა გუშინ დუბლი ძალიან სწრაფად შეასრულა და ლა ლიგის ბოლო ორ მატჩში 3 გოლი დააგროვა. ტორესმა გოლები თავის მეგობარ გოგონას სირას მიუძღვნა და ხელების მეშვეობით ‘S’ გამოსახა;

გავიმ პამპლონელებთან თავისი ტალანტი და მენტალიტეტი კიდევ ერთხელ გვაჩვენა. მან პედრისთან შესანიშნავი დუეტი შექმნა, ბურთს ბრწყინვალედ აკონტროლებდა და პრესინგს კარგად ახორციელებდა.

17 წლის ფეხბურთელმა მთელი მატჩის განმავლობაში მხოლოდ 3 არაზუსტი პასი გააკეთა და ყველაზე მეტი დრიბლინგი განახორციელა – მხოლოდ 17 წლის ასაკში!

“ბლაუგრანას” შემდეგი შეხვედრა “გალათასარაის” წინააღმდეგ უწევს, რომელიც კატალონიურ გრანდთან მატჩამდე მთავარ კონკურენტ “ბეშიქთაშს” ხვდება და დასასვენებლად ჩვენზე 1-ით ნაკლები დღე ექნება. თურქებს თოვლისა და შტორმის გამო ამ მატჩის გადადება უნდოდათ, მაგრამ ასე არ მოხდა და ვარჯიში სტამბოლიდან 500 კილომეტრის მოშორებით მოუხდათ.

Sport

“ლურჯ-ბროწეულისფერებმა” ბოლო, შესაძლო 36 ქულიდან 28 მოიპოვეს და 4 დეკემბრის შემდეგ არ წაუგიათ. ამასთან, უკანასკნელი 9 მატჩიდან 5-ში ჩავის შეგირდებმა მეტოქეს 4 გოლი გაუტანეს.

გუნდს ძალიან მნიშვნელოვანი კვირა ელის, რადგან წინ “გალათასარაისა” და “რეალთან” დაპირისპირებაა;

ბუსკეტსმა “ოსასუნას” წინააღმდეგ ბრწყინვალედ იასპარეზა – მისი პოზიციური თამაში ნამდვილად შესანიშნავი იყო. სერხიო გუნდის ხერხემალს წარმოადგენდა და ძალიან დამაჯერებელი პერფორმანსი შემოგვთავაზა.

როცა გუნდი გუნდი მაღლა აწეულია და კორექტულად თამაშობს, ბუსკეტსზე უკეთესი ნახევარმცველი არ ჰყავს;

პედრიმ თავისი მრავალმხრივობა კიდევ ერთხელ გვაჩვენა. მან მარჯვნივ, საკმაოდ წინ ითამაშა. როცა ბურთი მასთან მიდიოდა, მუდამ სახიფათო მომენტი იქმნებოდა. გონსალესის ასეთი თამაში უსმან დემბელესაც ძალიან ეხმარებოდა. ჩავი ახალგაზრდა შუახაზელს ენდობა;

“ბარსელონამ” გუშინ ფერან ტორესის (2), პიერ-ემერიკ ობამეიანგისა და რიკი პუჩის გოლებით 4-0 იმარჯვა.