როგორ ვუყუროთ ელ კლასიკოს მაღალ ხარისხში, ნებისმიერი მოწყობილობით?

ხვალ “ელ კლასიკოა”, რომლის ყურებაც ფეხბურთის ქართველ გულშემატკივრებს ტრადიციულად მარტივად არ შეუძლიათ.

იმის გამო, რომ თამაში არა სილქ სპორტის არხებზე, არამედ აჭარასპორტის სატელევიზიო არხსა და სეტანტა სპორტის ვებგვერდზე გადის, მისი მაღალ ხარისხში უფასოდ ყურება შეუძლებელია.

გულშემატკივრებს თამაშის კომფორტულად ყურების რამდენიმე ალტერნატივა აქვთ.

სილქ ტვ-სა და მაგთის ტელევიზიის აბონენტებს აჭარასპორტის არხების გააქტიურება თვეში 3 ლარად შეუძლიათ. თუმცა არიან ისეთებიც, რომლებიც სილქ ტვ-სა და მაგთის ტელევიზიით არ სარგებლობენ, ან სარგებლობენ, მაგრამ ამ კონკრეტული თამაშის დროს ტელევიზორთან ვერ იქნებიან. “ელ კლასიკოს” მაღალ ხარისხში მარტივად ყურება მათთვისაც შესაძლებელია როგორც ტაბლეტებზე, ასევე მობილურებში.

თამაში აჭარასპორტ 1-ის გარდა გადის სეტანტა სპორტის ვებგვერდზეც. ეს მომსახურება ფასიანია და წელიწადში 130 ან თვეში 13 ლარი ღირს. თუმცა სპეციალურად “ელ კლასიკოსთვოს” კომპანია გულშემატკივრებს მნიშვნელოვან შეღავათს სთავაზობს. ესპანეთის სუპერ თასის დასრულებამდე, ანუ 16 იანვრის ჩათვლით, ერთთვიანი პაკეტი 80%-იანი ფასდაკლებით, ანუ 2.6 ლარად იყიდება.

ფასდაკლების მისაღებად საჭიროა, რომ დარეგისტრირდეთ სეტანტა სპორტის საიტზე და გადახდის გვერდზე გააქტიუროთ პრომო კოდი elclasico (პატარა ასოებით). ამ კოდის გააქტიურების შემდეგ გადასახდელი თანხა შეიცვლება და 13 ლარის ნაცვლად გახდება 2.6 ლარი. ეს მომსახურების ერთი თვის საფასურია და საშუალება გექნებათ, ამ ერთი თვის განმავლობაში უყუროთ არა მხოლოდ “ელ კლასიკოსა” და (იმედია) “ბარსელონას” თამაშს სუპერ თასის ფინალში, არამედ “ბარსას” ყველა შეხვედრას ესპანეთის თასზე. ერთი თვის შემდეგ კი გადაწყვეტთ, გსურთ თუ არა მომსახურების გაგრძელება.

გაითვალისწინეთ: 80%-იანი ფასდაკლება ვრცელდება მხოლოდ ახალ რეგისტრაციებზე.