“ბარსელონას” არგენტინელმა ფეხბურთელმა, სერხიო აგუერომ “ალავესთან” მატჩში (1-1) თავი შეუძლოდ იგრძნო, რის გამოც მოედნის დატოვება მოუწია. საბოლოოდ, დადგინდა, რომ საქმე არითმიასთან გვაქვს.
აღნიშნულ საკითხს, არგენტინის ნაკრების მთავარი მწვრთნელი, ლიონელ სკალონი Diario Ole-სთან საუბარში ეხმაურება და კუნს მხარს უჭერს:
ყველანი დამწუხრებულნი ვართ, რადგან მსგავს რამეს არავის ვუსურვებთ. სერხიოს მხარს ვუჭერთ. მას ძალიან ვაფასებთ და გვსურს, მალე დაგვიბრუნდეს. ბედნიერად, კუნ.
როგორც ცნობილია, 33 წლის თავდამსხმელი 3 თვეს იუქმებს. ის სპეციალურ გამოკვლევებს ჩაიტარებს, რათა დადგინდეს, როდის შეძლებს მოედანზე დაბრუნებას ან შეძლებს თუ არა საერთოდ.
აგუერომ, ამ დროისთვის, “ბარსას” მაისურით სულ 5 მატჩი ჩაატარა და სადებიუტო გოლის გატანაც მოასწრო – არგენტინელმა “რეალის” კარი აიღო.
ამან ეხლა ერიკსენთან უნდა იმეგობროს, ბევრი საერთო ექნებათ. ადვილად გაუგებენ ერთმანეთს.