რამდენიმე წუთის წინ ქალთა საერთაშორისო ჩემპიონთა თასის რიგით მე-3 გათამაშების პირველი ნახევარფინალი დასრულდა. პრესტიჟულ ამხანაგურ ტურნირზე ჩემპიონთა ლიგის მოქმედი გამარჯვებული “ბარსელონა” პირველად მონაწილეობს.
ნახევარფინალში “ბარსას” ყველა დროის საუკეთესო ევროპულ გუნდთან, “ლიონთან” თამაში მოუხდა. ფრანგებს ჩემპიონთა ლიგა ყველაზე მეტჯერ, 7-ჯერ აქვთ მოგებული. აქედან 5-ჯერ მათ ეს ზედიზედ გააკეთეს, სანამ გასულ სეზონში მათ ჰეგემონიას “ბარსელონა” დაამხობდა. “ლიონი” საერთაშორისო ჩემპიონთა თასის წინა 2 გათამაშების ფინალისტი და მოქმედი ჩემპიონია. “ლიონს” გასულ სეზონში ჩავარდნა ჰქონდა – “პარი სენ-ჟერმენმა” აჯობა, მაგრამ მიმდინარე სეზონისთვის გუნდი მნიშვნელოვნად გაძლიერდა, მათ შორის პსჟ-დან გადმობირებული 3 ფეხბურთლის ხარჯზე.
ასეთ გუნდთან თამაშის მიუხედავად “ბარსელონა” უპირატესობას ფლობდა, თუმცა კატალონიელები დამარცხდნენ. მე-9 წუთზე ესპანელები მარიონა კალდენტეიმ დააწინაურა. მე-20 და 27-ე წუთზე ფრანგებმა ორჯერ გაიტანეს და ტაიმი მათი გამარჯვებით დასრულდა.
63-ე წუთზე მარიონამ დუბლი გაიფორმა, მაგრამ 83-წ წუთზე “ლიონი” წინ კიდევ ერთხელ გავიდა. ბლო წუთებში კატალონიელებმა მეტოქეს შტურმი მოუწყვეს, მაგრამ უშედეგოდ.
22 აგვისტოს “ბარსა” მე-3 ადგილისთვის მატჩში ითამაშებს. მეტოქე დაახლოებით 2 საათში, ამერიკულ წყვილში, “პორტლენდსა” და “ჰიუსტონს” შორის გამოვლინდება.
საღოლ ქალაჩუნებს
ხო ასე ჩანს ეტყობა ლიონი ჩემპიონთა ლიგის "რეალია" სულ რო ჩემპიონი არ გახდეს სახლში. ევროპაზე ყველაფერს იგებენ.
დასანანია, თუმცა ლიონთან მარცხი არაა არც გასაკვირი და არც შეუძლებელი. არაუშავს, ყველა გამარჯვებას მოყვება მარცხი, მთავარია შეინარჩუნონ ფორმა და გააგრძელონ წარმატებების სერია❤️🙌🙏