“ბარსელონა” ფრანკ რაიკაარდის ანტი-რეკორდს უახლოვდება

პარასკევს, “ბარსელონა” სტუმრად “სევილიას” დაუპირისპირდა და ანდალუსიელების წინააღმდეგ ვერაფერი გააწყო, შეხვედრა უგოლოდ დასრულდა (0-0). 

ამრიგად, კატალონიელებმა 2019/2020 სეზონში უკვე მე-9 მატჩში ვერ შეძლეს გოლის გატანა, რაც ნამდვილად შემაშფოთებელი ნიშანია. 

როგორც Marca იტყობინება, აღნიშნული სტატისტიკა გუნდისთვის ყველაზე ცუდია უკანასკნელ 12 წელიწადში. “ლურჯ-ბროწეულისფრები” ფრანკ რაიკაარდის ანტი-რეკორდს უახლოვდებიან, რომლის გუნდმა 2007/2008 სეზონში გოლის გატანა 12 შეხვედრაში ვერ მოახერხა. 

2007/2008 სეზონში აღნიშნული სტატისტიკური კატასტროფის გარდა, რაიკაარდის გუნდმა სეზონი უტიტულოდ დაასრულა.