სიახლე ბარსამანიაზე

ბოლო დროს საიტის რედაქციაში განხორციელებულმა ცვლილებებმა უზრუნველყო ის, რომ ვებგვერდზე ინფორმაციის სტაბილურად მოწოდების პრობლემა აღმოიფხვრა. ჩვენი მიზანი, რომ მომხმარებლებს შევთავაზოთ ყველა ინფორმაცია, რაც “ბარსელონას” შესახებ ვრცელდება, ნაწილობრივ, მიღწეულია.

თუმცა, ამან წარმოქმნა ახალი პრობლემა – საიტი ბევრი ნაკლებად მნიშვნელოვანი ნიუსით გადაიტვირთა. ამ 2 საკითხის ერთობლივად მოგვარების მიზნით, მივიღეთ შემდეგი გადაწყვეტილება: ამიერიდან, ჩვენს საიტზე, ცალკე ნიუსების სახით, განთავსდება ის მასალები, რომლებსაც ჩვენი ჟურნალისტები მეტნაკლებად საინტერსოდ ჩათვლიან. ხოლო არაფრით გამორჩეული ინფორმაცია, მათ შორის უაზრო სატრანსფერო ჭორები, მოექცევა ჩვენს ახალ რუბრიკაში – “ფოკუსს მიღმა”. ამ რუბრიკას შემოგთავაზებთ ყოველი დღის ბოლოს და მასში შევა ყველა ის ინფორმაცია, რომელიც ჩვენი ფოკუსის მიღმა დარჩა და რომელიც უინტერესოდ ჩავთვალეთ. ასე მივაღწევთ იმას, რომ ჩვენს მომხმარებლებს “ბარსელონას” შესახებ გავრცელებულ ყველა ინფორმაციას მივაწვდით, მაგრამ ნაკლებად მნიშვნელოვანი და უინტერესო ამბებით არ გადავტვირთავთ.

ამ სიახლის წყალობით, ჩვენი ჟურნალისტები დაზოგავენ დროს, რომელსაც შედარებით საინტერესო მასალების უკეთ მომზადებისთვის გამოიყენებენ, თქვენ კი უამრავ უინტერესო ნიუსს შორის თქვენთვის საინტერესოს დიდხანს ძებნა აღარ მოგიწევთ.

უახლოეს მომავალში, კიდევ ერთ და უფრო საინტერესო სიახლეს შემოგთავაზებთ 😏