“ბარსა“ ემერსონის შესაძენად მზადაა

მადრიდული გამოცემის, Diario AS-ის, ცნობით, “ბარსა” “ბეტისის” მცველის, ემერსონის, დამატებას მოსალოდნელზე ადრე გეგმავს.

ფასის მიუხედავად, ემერსონის “კამ ნოუზე” დაბრუნებას კლუბი ამავე ზაფხულს აპირებს.

კატალონიელებისთვის ჯერჯერობით მხოლოდ სატრანსფერო თანხაა გასარკვევი. 2021 წელს ბრაზილიელის მოსვლა 6 მილიონ ევროდ იყო მოსალოდნელი, თუმცა ამ სატრანსფერო ფანჯარაზე აღნიშნული ფასი დიდი ალბათობით გაორმაგდება.

შეგახსენებთ, რომ “ბარსელონა” და “ბეტისი” ემერსონის თანამესაკუთრეები არიან, მათ ფეხბურთელი 2019 წლის ივლისში, “ატლეტიკო მინეიროდან”, 12 მილიონ ევროიანი შეთანხმებით იყიდეს.

ემერსონის დაბრუნების შემთხვევაში, ნელსონ სემედუს წასვლა გარდაუვალი იქნება. პორტუგალიელის წასვლის შესახებ ჭორები შემოდგომიდან ვრცელდება. Diario Sport-ის ცნობით, სემედუ, შესაძლოა, ლაუტაროს გადმოსაბირებლად ტრანსფერსში ჩართონ.

ემერსონმა მიმდინარე სეზონში ჩატარებულ 25 შეხვედრაში 3 გოლი გაიტანა და 5 ასისტი შეასრულა.