“ბარსელონას” მოუცლელობის გამო ტოდიბოს “შალკეში” ტრანსფერი გადაიდო

“ბარსელონას” ახალგაზრდა მცველი ჟან-კლერ ტოდიბო უკვე მე-3 დღეა გერმანიაში იმყოფება და “შალკეში” მისი ტრანსფერის გაოფიციალურებას ელოდება.

Bild-ის ცნობით, 20 წლის ფრანგი გერმანიაში სამედიცინო შემოწმების გასავლელად ჩავიდა. ამ დროისთვის, კლუბები ერთ დეტალზე ვერ თანხმდებიან – “შალკეს” ფეხბურთელის გამოსყიდვის უფლების დატოვება სურს, “ბარსელონას” კი – მხოლოდ იჯარა.

Sky Sport-ის მიერ გავრცელებული ინფორმაციით, ტრანსფერი იმის გამოა შეჩერებული, რომ “ბარსელონას” წარმომადგენლებმა ამისთვის ვერ მოიცალეს. მოუცლელობის მიზეზი, სავადაუდოდ, გუნდში განხორციელებული მწვრთნელის ცვლილებაა.