კვირას, 29 დეკემბერს, გაიმართა საფეხბურთო ინტელექტუალური თამაშის, “მე-12 მოთამაშეს” ბოლო, მე-4 ტური.
პირველი 3 ტურის დამაჯერებლად მოგების გამო, “ბარსელონას” ოფიციალური ფანკლუბის გუნდი “ბლაუგრანა” ბოლო ტურს დიდი, 25-ქულიანი უპირატესობით შეხვდა. თუმცა, ჩვენი ფანკლუბის უკვე პრინციპულ მეტოქედ ჩამოყალიბებულმა “აჭარასპორტმა” შეუძლებელი თითქმის შეძლო და ბოლო 5 კითხვის წინ, სხვაობა 15 ქულამდე შეამცირა.
საბოლოოდ, “ბლაუგრანამ” 15-ქულიანი უპირატესობა შეინარჩუნა და 3 სეზონიდან მეორეს ჩემპიონი გახდა. შესაბამისად, ჩვენმა გუნდმა 2019 წლის საუკეთესო გუნდის სტატუსიც მოიპოვა. 3 სეზონის შემდეგ, “ბლაუგრანას” აქტივში 2 ჩემპიონობა და ერთი მე-2 ადგილია.
აღსანიშნავია ისიც, რომ ამ სეზონში პირველად დაფიქსირდა შემთხვევა, როდესაც ბოლო ტურის წინ ჩემპიონის ბედი უკვე გარკვეული იყო – “ბლაუგრანამ” პირველობა 3 კითხვით ადრე გაინაღდა.
ჩემპიონებს, ორგანიზატორების მიერ დაწესებული თასის გარდა, შემდეგი ორგანიზაციების მიერ დაწესებული პრიზები შეხვდათ: საქართველოს ფეხბურთის ფედერაცია, სეტანტა, სარაჯიშვილი, საქართველოს სპორტულ ჟურნალისტთა ასოციაცია, კანტი.
ჩემპიონი გუნდის შემადგენლობა: ილო ბაბუხადია, ნიკა ტაბატაძე, ტატო ბაციკაძე, ანდრია პროსტოსერდოვი, მიშა ზაქარეიშვილი, გიორგი ანთაძე. ტურნირის საუკეთესო მოთამაშედ ტატო ბაციკაძე დასახელდა.
2020 წლიდან, ამ გუნდის თამაშის უკვე ტელეეთერში ხილვა შეგეძლებათ.