“ბარსელონამ” ტიტო ვილანოვას ხსოვნას პატივი მიაგო

კატალონიის “ბარსელონამ” პატივი მიაგო კლუბის ყოფილ მწვრთნელსა და მოთამაშეს – ტიტო ვილანოვას, რომელიც მძიმე სენთან ბრძოლაში დამარცხდა და 2014 წლის 25 აპრილს გარდაიცვალა. 

ვილანოვას გარდაცვალებიდან დღეს 5 წელიწადი გავიდა. 2012 წლიდან 2013 წლამდე ტიტო “ბარსელონას” მთავარი მწვრთნელი გახლდათ, ამ პერიოდში კლუბმა ესპანეთის ჩემპიონატი დამაჯერებლად მოიგო. 2013 წლის ივლისში კი ვილანოვამ ჯანმრთელობის მდგომარეობის გაუარესების გამო თანამდებობა დატოვა. 

“ხუთი წელი ტიტო ვილანოვას გარეშე. საკვანძო მწვრთნელი. ბოლომდე “ბარსელონაში”, დასაწყისიდან და დასასრულამდე. არაორდინარული ადამიანი. ერთადერთი და განუმეორებელი.”