რაკიტიჩი: “ბარსელონამ” “იუნაიტედს” პატივი უნდა სცეს”

31 წლის ნახევარმცველი მომავალი მეტოქის მიმართ პატივისცემას გამოხატავს.

მოგეხსენებათ, მომდევნო კვირას “ბარსელონა” უეფას ჩემპიონთა ლიგის 1/4 ფინალური ეტაპის პირველ შეხვედრაში სტუმრად “მანჩესტერ იუნაიტედს” ეწვევა. გუნდს, რომელმაც “პარი სენ ჟერმენი” დრამატულ ბრძოლაში დაამარცხა.

“ვნახეთ, თუ როგორ ითამაშეს მათ პსჟ-ს წინააღმდეგ და ვიცით ინგლისური კლუბების სიძლიერის შესახებ. “იუნაიტედს” ბრწყინვალე შედეგები აქვს, პარიზში გატანილი სამი ბურთი კი წარმოუდგენელი იყო. ეს მებრძოლი გუნდია, რომელიც სავსეა ახალგაზრდებით. ისინი პატივისცემას იმსახურებენ”, – ამბობს ივან რაკიტიჩი.

“ბრიტანელ ხალხს უდიდეს პატივს ვცემ იმ გრძნობისთვის, რომელიც ფეხბურთის მიმართ აქვთ. სტადიონის ტრიბუნები იქ მუდამ გავსებულია”.

“უნდა იცოდე, რომელია შენი ძლიერი მხარე და ვფიქრობ, მანჩესტერელებმა ამ მომენტში ზუსტად იციან ეს. “ბარსელონას” მსგავს ბურთის ფლობას ბევრი ისურვებდა, მაგრამ თუ საბოლოო ჯამში თამაშს აგებ, ამას აღარანაირი მნიშვნელობა აქვს”, – დაასრულა ხორვატმა.