კატალონიის “ბარსელონასა” ესპანეთის ნაკრების ნახევარმცველმა, ჩავი ერნანდესმა, ისაუბრა გუშინდელ თამაშზე, რომელიც იყო ჩემპიონთა ლიგის ჯგუფური ეტაპის, მეხუთე ტურის მატჩი. ამ შეხვედრაში, საბერძნეთის “პანათინაიკოსმა” “ბარსელონას” უმასპინძლა და ანგარიშით 0:3 დამარცხდა.
ესპანელმა ნახევარმცველმა განაცხადა, რომ გუნდმა იბრძოლა მოგებისათვის და სასურველ შედეგსაც მიაღწია.
“მთელმა გუნდა ითამაშა ძალიან კარგად. საბერძნეთის პირობებში ჩვენ თავს ჩვეულებრივად ვგრძნობდით, მაგრამ ეს არ იყო იდეალური მდგომარეობა.”-განაცხადა ერნანდესმა.
ასევე 30 წლის ფეხბურთელმა ისაუბრა “მადრიდის რეალთან შეხვედრის თემაზეც, რომელიც ორშაბათს, ჩვენი დროით 23:55 წუთზე გაიმართება. “ამ თამაშში ჩვენ გუნდს აქვს გარკვეული უპირატესობა. ჩვენ ვთამაშობთ საკუთარ კედლებში, “კამპ ნოუზე”. ფეხბურთელები არიან ძალიან კარგ ფორმაში და დიდი სურვილი გვაქვს გამარჯვების.”