საინტერესო ფაქტები – მესი

შაბათს, ლეო მესიმ ჩვენ კიდევ ერთხელ მოგვიწყო პატარა “შოუ” და ყველას კარგად დაანახა, რომ “სარაგოსა” მისთვის ერთ–ერთი “საყვარელი” გუნდია. ამ სიახლეში კი ლეოს შესახებ რამდენიმე საინტერესო ფაქტს შემოგთავაზებთ…

– ამ სეზონში, მესი გუნდის ბომბარდირია და მას მონაწილეობა 12 მატჩიდან 11–ში აქვს მიღებული.

– შაბათის თამაში მესისთვის “ლა ლიგაში” 150–ე იყო. ამ 150 თამაშში კი მან 93 გოლის გატანა შეძლო.

– ამ 93 გოლიდან 47–ის გატანა “ნოუ კამპზე”, ხოლო 46–ის გასვლით მატჩებში შეძლო.

– მესიმ დაახლოებით 72 საათში 4 გოლის გატანა მოახერხა. პირველი ორი “კოპენჰაგენთან”, ხოლო მეორე ნახევარი “სარაგოსასთან”.

– მესი ასევე იყო ფეხბურთელი, რომელმაც “სარაგოსასთან” მატჩში ყველაზე მეტჯერ, 11–ჯერ დაარტყა კარისკენ. აქედან 5 ზუსტი იყო.

– მესიმ შეძლო და კლუბის ყველა დროის ბომბარდირებში პაულინო ალკანტარას გადაასწრო და მეხუთე ადგილი დაიკავა.