სექტემბერი

1984 წელი. ესპანეთის ჩემპიონატის პირველ ტურში “ბარსელონამ” გასვლაზე მადრიდის “რეალი” დაამარცხა ანგარიშით 0:3. პირველი გოლი ანხელმა საკუთარ კარში ჩაჭრა, შემდეგ კი თავი არჩიბალდმა და რამონ კალდერამ გამოიჩინეს.

1994 წელი, პრიმერას პირველ ტურში, ხიხონის “სპორტინგის” წინააღმდეგ იოჰან კრუიფმა ძირითად შემადგენლობაში რომარიო დააყენა, მიუხედავად იმისა, რომ ის კლუბის მიერ დისკვალიფიცირებული იყო ამერიკის ჩემპიონატის შემდეგ 23 დღიანი დაგვიანების გამო. რომარიოს მოედანზე გამოჩენის მიზეზი ჰაჯის და სტოიჩკოვის ტრავმები იყო. “ბარსამ” მატჩი 2:1 წააგო, რომარიომ კი 90 წუთი ითამაშა.

2006 წლის 5 სექტემბერს, ჟირონაში გამართული კატალონიის თასის ფინალში, “ბარსელონა” “ესპანიოლთან” მინიმალური სხვაობით დამარცხდა.
1988 წლის 5 სექტემბერს, მიგელის (“ბარსელონაში” თამაშობდა 1973-1989 წლებში) საპატივცემულოდ გამართულ მატჩში, “კამპ ნოუზე”, ერთმანეთს “ბარსელონა” და ბელგიის ეროვნული ნაკრები დაუპირისპირდნენ.
1902 წლის 5 სექტემბერს, პოლ ჰაასი “ბარსელონას” ახალი პრეზიდენტი გახდა. მან, ამ პოსტზე, ბართომეუ ტერადესი შეცვალა. ეს უკანასკნელი “ბარსას” 16 თვის განმავლობაში პრეზიდენტობდა.

1969 წლის 6 სექტემბერს, “კამპ ნოუზე”, “ბარსელონასა” და ბრაზილიური “პალმეირასის” ამხანაგური თამაში გაიმართა, რომელიც ფერან ოლივეირას მიეძღვნა. ამ უკანასკნელმა მთელი თავისი კარიერა “ბარსელონაში” გაატარა.

1962 წლის 8 სექტემბერს, ბაზრობათა თასის ფინალში, “ვალენსიას” წინააღმდეგ გამართულ პირველ მატჩში, “ბარსელონამ” ანგარიშში დაწინაურება მოახერხა, მაგრამ კატალონიელებმა 2:6 წააგეს.

1988 წლის 10 სექტემბერს, “კამპ ნოუზე” გაიმართა კონცერტი ადამიანის უფლებების მხარდასაჭერად. კონცერტი ორგანიზებული იყო საერთაშორისო ამნისტიის მიერ და მასში მონაწილეობდნენ: ბრიუს სპრინგსტინი, სტინგი, პიტერ გებრიელი, ტრეისი ჩეპმენი და სხვები.

2007 წლის 11 სექტემბერს, კატალონიის თასის მატჩში, “ბარსელონამ” “ხიმნასტიკთან” 1:2 წააგო.
1984 წლის 11 სეტემბერს, “კამპ ნოუზე”, ანტონიო ოლმოსა (“ბარსელონაში” თამაშობდა 1976-84 წლებში) და პედრო მარია არტოლოს (“ბარსელონაში” თამაშობდა 1975-84 წლებში) საპატივცემულოდ ამხანაგური მატჩი გაიმართა, რომელშიც კატალონიელები ბილბაოს “ატლეტიკთან” 0:2 დამარცხდნენ. თამაშს მხოლოდ 7 ათასი გულშემატკივარი დაესწრო.
1982 წლის 11 სექტემბერს, “კამპ ნოუზე”, დებიუტი ჰქონდა “ბარსელონას” ახალწვეულს, დიეგო არმანდო მარადონას. “ბარსამ” “ვალიადოლიდთან” 3:0 მოიგო. მარადონამ თერთმეტმეტრიანი გაიტანა და 2 შედეგიანი გადაცემა გააკეთა.
1949 წლის 11 სექტემბერს, “ბარსელონამ” ესპანეთის ჩემპიონატის ისტორიაში ყველაზე დიდი საშინაო გამართჯვება იზეიმა. კატალონიელებმა “ხიმნასტიკი” 10:1 გაანადგურეს. 5 გოლი ნავარომ გაიტანა, ხოლო სეზარმა თავი ჰეთ თრიქით გამოიჩინა.

1995 წელი. “უეფას” თასის გათამაშებაში ებრაული “ხაპოერ ბიერ შევას” გამანადგურებელი ანგარიშით დამარცხებით (0:7), “ბარსელონამ” ევროპული ტურნირების გასვლით მატჩებში ყველაზე დამაჯერებელი გამარჯვება იზეიმა.
2006 წელი. “ბარსელონამ” ისტორიაში პირველი მატჩი გამართა მაისურზე სპონსორის ლოგოთი. ჩემპიონთა ლიგის შეხვედრაში კატალონიელებმა, რომლებსაც მაისურზე “UNICEF” ეწერათ, ბულგარეთის “ლევსკი” გაანადგურეს (5:0). აღნიშნული მატჩის გმირი კამერუნელი ფეხბურთელი გახდა.

2000 წელი, მატჩის 74-ე წუთზე პატრიკ კლუივერტმა დალაშქრა ”ლიდს იუნაიტედის” კარები. ეს გოლი ”ბარსასთვის” ჩემპიონთა ლიგაში მე-200 აღმოჩნდა. 10 წუთის შემდეგ კლუივერტი კიდევ ერთ გოლს გაიტანს და მატჩის საბოლოო ანგარიშს დააფიქსირებს (4:0).

1958 წელი. პრიმერას პირველ ტურში “ბარსელონამ” “ვალენსია” გაანადგურა, ანგარიშით 6:0. “ბარსას” შემადგენლობაში დებიუტი ჰქონდა ზოლტან ციბორს, რომელიც გახდა ერთ-ერთი გოლის ავტორი.

1982 წელი. ევროპული ტურნირების საშინაო შეხვედრებში “ბარსელონამ” ყველაზე დიდი გამარჯვება იზეიმა, დაამარცხა რა “აპოლონ ლიმასოლი” (8:0) თასების მფლობელთა თასის გათამაშებაში.
1953 წელი. ესპანეთი ფეხბურთის ფედერაციამ გაავრცელა ინფორმაცია, რომ “ბარსელონასა” და “რეალის” პრეზიდენტებმა მოაწერეს ხელი შეთანხმებას, რომლის მიხედვითაც ორი სეზონის განმავლობაში ალფრედო დი სტეფანო მონაცვლეობით ითამაშებდა ორივე გუნდის შემადგენლობაში.

1993 წელი. ბარსელონას მერიის გადაწყვეტილებით, “კამპ ნოუს” ერთ-ერთი მიმდებარე ქუჩას ხოსეპ სამიტიერა ეწოდა.

1903 წელი, ბართომეუ ტერადასას გადამწყვეტი ხმით კლუბის ახალ პრეზიდენტად არტურ უიტი დაინიშნა.

1950 წელი, ”ბარსელონას” დირექტორთა საბჭომ ძველი სტადიონის მიდაომოებში მიწის ნაკვეთი აიღო არენდით. 7 წლის შემდეგ ამ ადგილზე ”ნოუ კამპი” აშენდება.

1943 წელი. “ბარსელონას” პრეზიდენტად დაინიშნა ჟოზეპ ვენდრელი, რომელიც ესპანეთის სამოქალაქო ომის დროს ფრანკოს მხარეს იჭერდა. მიუხედავად ამისა, ვენდრელის მმართველობის დროს, კლუბის წევრების რაოდენობამ გადააჭარბა ოცი ათასს, ხოლო გუნდმა თავისი ისტორიის მანძილზე მეორედ მოახერხა ქვეყნის ჩემპიონის ტიტულის მოპოვება.
1946 წელი. კლუბის პრეზიდენტად დაინიშნა აგუსტი მონტალ გალობარტი. მისი ექვს წლიანი მმართველობის პერიოდში, კლუბმა სამჯერ მოიგო ქვეყნის ჩემპიონატი, ორჯერ ესპანეთის თასი და ორჯერ ლათინური თასი.

1966 წლის 21 სექტემბერს, ბაზრობათა თასის (ამჟამინდელი ევროპა ლიგა) ფინალის განმეორებით მატჩში, “ლა რომარედაზე”, “ბარსელონამ” “სარაგოსა” 1:0 დაამარცხა. პირველ დამატებულ წუთზე, გოლი პუჟოლმა გაიტანა.

2007 წლის 22 სექტემბერს, “ბარსელონასა” და “სევილიას” შორის გამართული მატჩის (2:1) დაწყებამდე მოხდა “კამპ ნოუს” ახალი პროექტის პრეზენტაცია.
1971 წლის 22 სექტემბერს, ბაზრობათა თასის (ამჟამინდელი ევროპა ლიგა) სუპერფინალში, “კამპ ნოუზე”, “ბარსელონამ” “ლიდს იუნაიტედი” 2:1 დაამარცხა და თასი სამუდამოდ ჩაიბარა.
1953 წლის 22 სექტემბერს, ალფრედო დი სტეფანოს ტრანსფერთან დაკავშირებით აგორებული სკანდალის გამო, “ბარსელონას” პრეზიდენტის პოსტი დატოვა ენრიკ მარტი კარეტომ.

1984 წელს, “კამპ–ნოუს” მეორე იარუსზე ოფიციალურად გაიხსნა კლუბის მუზეუმი. ამ დღიდან 27 წელი გავიდა.
1957 წელს ოფიციალურად გაიხსნა “კამპ–ნოუ”. ამავე დღეს შედგა ამხანაგური შეხვედრა “ბარსელონასა” და “ლეგიას” შორის, რომელშიც კატალონიელებმა 4:2 იმარჯვეს. ახალ სტადიონზე პირველი გოლი “ბლაუგრანას” მხრიდან მარტინესმა გაიტანა. ამ დღიდან 54 წელი გავიდა.
1950 წელს ესპანეთის პრიმერა დივიზიონის მესამე ტურში “ბარსელონამ” საკუთარ მოედანზე მადრიდის “რეალი” მიიღო და 7:2 გაანადგურა. სამ ტურში კატალონიელებს უკვე გატანილი ჰქონდათ 19 გოლი, თუმცა ასევე გაშვებული ბურთების რაოდენობა 10–ს შეადგენდა. ამ დღიდან 61 წელი გავიდა.

1949 წელს, ესპანეთის პრიმერა დივიზიონის შეხვედრაში კატალონიის “ბარსელონამ” “ნოუ–კამპზე” “სევილია” 7:0 გაანადგურა და ამით გულშემატკივრებს გაცივებული გულები (წინა ტურში “ბარსამ” “რეალთან” 1:6 წააგო) კვლავ გაუთბეს.

1956 წელი. გლაზგოში დაიბადა 80-ანი წლების ცნობილი ჰოლანდიელი თავდამსხმელი სტივ არჩიბალდი, რომელმაც კატალონიის “ბარსელონას” რიგებში 4 წელი ითამაშა, მაგრამ გუნდში ფეხი ვერ მოიკიდა ლეგიონერებზე არსებული ლიმიტების გამო.

1988 წლის 28 სექტემბერს, “ბარსელონა” ესპანეთის სუპერთასზე ამარცხებს მადრიდის “რეალს” საკუთარ მოედანზე ანგარიშით 2:1, თუმცა ორი მატჩის ჯამში აგებს 2:3. ამ დღიდან გავიდა 23 წელიწადი.

2010 წლის 29 სექტემბერს დავიდ ვილას გააქვს თერთმეტმეტრიანი “რუბინის” კარში, რომელიც მე-400-ეა “ბარსასთვის” ჩემპიონთა ლიგაზე. კარლეს პუიოლი ატარებს მე-100 შეხვედრას ჩემპიონთა ლიგაზე, ხოლო სერხიო ბუსკეთსი-ასევე მე-100 შეხვედრას, ოღონდ “ლურჯ-ბროწეულისფერი” მაისურით. ის მატჩი ყაზანში 1:1 დასრულდა. ამ დღიდან გავიდა 1 წელი.
2009 წლის 29 სექტემბერს კატალონიის “ბარსელონას” მცველი ატარებს თავის საიუბილეიო, მე-100 მატჩს ევრო ტურნირებზე. ჩემპიონთა ლიგის ჯგუფური ეტაპის შეხვედრას “ბარსა” კიევის “დინამოს” უგებს ანგარიშით 2:0. ამ დღიდან გავიდა 2 წელიწადი.
1940 წლის 29 სექტემბერს “ბარსელონა” ესპანეთის პრიმერა დივიზიონის პირველ ტურში სტუმრად “სევილიასთან” ნადგურდება ანგარიშით 1:11, თუმცა ამის მიუხედავად კატალონიელები მაინც სეზონის ბოლოს მესამე ადგილზე გადიან და მეორე წრეში საკუთარ მოედანზე ანდალუსიელებზე რევანშს იღებენ და ამარცხებენ 4:0. ამ დღიდან გავიდა 71 წელიწადი.
1914 წლის 29 სექტემბერს პრეზიდენტი ალვარა პრესტა გადადგა და მისი ადგილი ხოაკიმ პერისმა დაიკავა და პრესკონფერენციაზე თქვა: “ბარსელონა”-ეს მე ვარ”. ეს ძალიან ხმამაღალი ნათქვამი იყო მისი მხრიდან. ამ დღიდან გავიდა 97 წელიწადი.
1912 წლის 29 სექტემბერს იმართება ამხანაგური მატჩი “ბარსელონასა” და ესპანეთის ნაკრებს შორის. კატალონიელების რიგებში დებიუტი აქვს ჯეკ გრინველს. საბოლოოდ “ბარსა” იგებს იმ შეხვედრას ანგარიშით 4:2. გრინვერი 4 წლის მანძილზე ლურჯ-ბროწეულისფერ ფორმას 88 თამაშში იცვამს და გააქვს ათი გოლი, რის შემდეგაც ინიშნება კლუბის მთავარ მწვრთნელად. ამ დღიდან გავიდა 99 წელიწადი.

1962 წელი. ამსტერდამში დაიბადა ფრანკლინ ედმუნდო რაიკაარდი, ან უბრალოდ ფრანკ რაიკაარდი. “ბარსელონას” მთავარი მწვრთნელის პოსტზე ხუთ წლიანი (2003-2008) მუშოაბის შედეგად, მან გუნდს ზედიზედ ორჯერ მოაგებინა ჩემპიონის ტიტული.