“ბარსელონაში” სასიამოვნო სიახლეებია.
პირველი სასიხარულო ამბავი ისაა, რომ გუნდს თითქმის 1 თვიანი სანაკრებო პაუზის შემდეგ დაუბრუნდა სეიდუ კეიტა, რომლის ნაკრებმაც აფრიკის ერთა თასის გათამაშებაში მესამე ადგილი დაიკავა. მეორე სიახლე ის იყო, რომ ხანგრძლივი ტრავმის შემდეგ აფელაიმ ვარჯიშები განაახლა. ჰოლანდიელმა მძიმე ტრავმა სეზონის დასაწყისშივე მიიღო, რამაც ოპერაციის საჭიროება გამოიწვია.
ჩავი ერნანდესმა დღეს დარბაზში ივარჯიშა. ადრიანო და ბუსკეტსი მსუბუქად დაიტვირთნენ. პირველი გუნდის სავარჯიშო სესიას ახალგაზრდა ფეხბურთელები – ტელო, მუნიესა, მონტოია და ბარტრა შეუერთდნენ.



