ახალია “ლა მასიას” ინაუგურაცია იხილეს მსოფლიოს 150 ქვეყანაში. მნახევლთა რიცხვი აჭარბებს 300 000-ს. ეს კი ნამდვილი რეკორდია კატალონიური არხისთვის.
“ბარსელონას” ფანებისთვის ნამდვილად გასახარი დღე იყო ხუთშაბათი, რადგანაც გაიხსნა ახალი “ლა მასიას” “Oriol Tort” სავარჯიშო ცენტრი. ინაუგურაციას აჩვენებდნენ “ბარსელონას” ოფიციალური ვებ-გვერდიდან, “იუთუბის” არხიდან და “ბარსა ტვ”-ს ეთერიდან. ამ ყველაფრის ხილვა შეძლო 150 ყვეყანაში მცხოვრებმა 300 000-ზე მეტმა გულშემატკივარმა. ეს პირველი შემთხვევაა, როდესაც ასეთი გლობალური გადაცემა გაუშვეს კატალონიურ ენაზე. აღსანიშნავია, რომ “იუთუბმა” კლუბის ფანებს ოცნება აუხდინა და ინაუგურაცია პირდაპირ ეთერში გაუშვა.
“ბარსას” მსოფლიო განწყობა
130 338-მა მომხმარებელმა ეს ყველაფერი იხილა კლუბის ოფიციალურ ვებ-გვერდსა და “იუთუბის” არხზე, ხოლო 93 039-მა გულშემატკივარმა კი ტრანსლაციას უყურა ინგლისურად, ესპანურად და კატალონიურად.
“ბარსა ტვ”-ს ინაუგურაციის გაშვებისთანავე უკვე ჰყავდა სრული მაყურებლის 1.8%, რაც 35 000 ადამიანს შეადგენს. ყველაზე ყურებადი მომენტი იყო ინაუგურაციის მომენტი, მაშინ როდესაც “ბარსას” კაპიტანი, მწვრთნელი და პრეზიდენტი იხმეს სცენაზე. ეს მომენტი ასევე აჩვენა “ბარსა ტვ Internacional”-მაც.
ინაუგურაციას ასევე გადმოსცემდნენ არხები: TV3, ESPORT 3, Teledeporte და 60 უცხოური არხი. სიგნალის დაჭერა ასევე შესაძლებელი იყო “Omnisport”-ის სააგენტოდან, რომელშიც შედის ESPN, Al Jazeera და Fox Soccer.
ცერემონიას ესწრებოდა 177 მედია კომპანიის წამომადგენელი: 26 გაზეთებისა და ჟურნალების, 20 რადიოების, 112 სატელევიზიო არხებისა და 19 ფოტოგრაფი.
რეკორდული მაჩვენებელი დაფიქსირდა ასევე სოციალურ ქსელ “ტვიტერში”, სადაც წუთში 122 ე.წ. “ტვიტი” იწერებოდა, რაც წამში 2 “ტვიტს” უდრის.
[media=http://www.youtube.com/watch?v=BHZJYLlmW2s]