სამუელ უმტიტის შეძენით 3 კლუბი დაინტერესდა

“ბარსელონას” ცენტრალური მცველის, სამუელ უმტიტის კლუბიდან წასვლა უკვე გადაწყვეტილია და ახლა მხოლოდ იმ კლუბის პოვნაა საჭირო, რომელიც ფრანგ ფეხბურთელს დამაკმაყოფილებელ ხელფასს გადაუხდის.

აქამდე, პრესაში “ლიონისა” და “მარსელის” ინტერესზე იწერებოდა, თუმცა საქმე სერიოზულ მოლაპარაკებებამდე არ მისულა. ESPN-ის ინფორმაციით, ამჯერად კიდევ 3 ფრანგული კლუბია დაინტერესებული: “რენი”, “ლილი” და “ნიცა”. 

როგორც ცნობილია, უმტიტის პრიორიტეტი ჩემპიონთა ლიგაზე თამაშია, ამ კრიტერიუმის გათვალისწინებით კი მისი რჩეული კანდიდატი “ლილი” უნდა იყოს, რომელმაც წინა სეზონში ლიგა 1-ის ჩემპიონობა მოიპოვა. 

არც ისე დიდი ხნის წინ სამუელს მტკიცედ ჰქონდა გადაწყვეტილი, რომ “ბარსელონაში” დარჩებოდა და შემადგენლობაში ადგილისთვის იბრძოლებდა, თუმცა კლუბის პოზიცია მკაცრია და როგორც ჩანს, უმტიტიც მიხვდა, რომ წინააღმდეგობის გაწევას დიდი აზრი არ ექნება.