“ბარსელონა” 18 წლის ნახევარმცველისთვის იბრძვის [ვიდეო]

კატალონიური Sport-ის ინფორმაციით, “ბარსელონა” ბერლინის “ჰერტას” ახალგაზრდა ნახევარმცველს, ლაზარ სამარჯიჩს აკვირდება, რომელსაც ბუნდესლიგაში დებიუტი რამდენიმე დღის წინ ჰქონდა. 

სამარჯიჩი 18 წლის თებერვალში გახდა. ის წარმოშობით სერბია, თუმცა გერმანიაშია დაბადებული და ბუნდესნაკრების ახალგაზრდულ გუნდებში რეგულარულად გამოდის. 

მიუხედავად იმისა, რომ 2018 წელს სერიოზული ტრავმა მიიღო, ფეხბურთელი სწრაფად პროგრესირებს. Sky Sports Italia-ს ცნობით, მისი შეძენა “ბარსას” გარდა “მილანს”, “იუვენტუსსა” და მადრიდის “ატლეტიკოსაც” სურს.