“ბარსელონას” და “ესპანიოლის” მწვრთნელები ერთმანეთს შეხვდნენ

დღეს, კატალონიური დერბის გამართვამდე ერთი დღით ადრე, ტრადიციის მიხედვით, “ბარსელონას” და “ესპანიოლის” მთავარი მწვრთნელები ერთმანეთს შეხვდნენ. შეხვედრა “კამპ ნოუზე” შედგა, სადაც ხვალ მატჩი გაიმართება. 

ერნესტო ვალვერდემ და რუბიმ ისაუბრეს, ერთმანეთს ხელი ჩამოართვეს და სამახსოვრო ფოტო გადაიღეს. ასევე, დღეს ორივე მწვრთნელს ინდივიდუალური პრესკონფერენცია ჰქონდა.