“ბარსელონას” თავდამსხმელმა ლიონელ მესიმ ესპანეთის ჩემპიონატის მე-18 ტურის შეხვედრაში, მადრიდის “ატლეტიკოსთან” მატჩში, ლუის სუარესს გოლი გაატანინა.
ამდენად, 27 წლის თავდამსხმელი ლა ლიგის 295 მატჩში მე-100 შედეგიან გადაცემას აკეთებს და ბოლო 20 წელიწადში ამ მაჩვენებლით ესპანეთში, ლუიშ ფიგუს შემდეგ, მეორე ადგილს იკავებს.
შეგახსენებთ, რომ ფიგუს პრიმერაში 107 საგოლე პასი აქვს გაკეთებული (58 – “ბარსელონაში”, 49 – “რეალში”).
ამ სეზონში მესის, ისევე როგორც კრიშტიანუ რონალდუს, 9 ასისტი აქვს გაკეთებული. ესპანეთის ჩემპიონატში ამ მხრივ “ვილიარეალის” ნახევარმცველი დენის ჩერიშევი (10 გადაცემა) ლიდერობს.
