კატალონიური გრანდის ახალგაზრდა ცენტრალური მცველი “ატლეტიკოს” წინააღმდეგ გასამართი მატჩის მიმართ ოპტიმისტურადაა განწყობილი.
შეგახსენებთ, უეფას ჩემპიონთა ლიგის 1/4 ფინალური ეტაპის პირველი შეხვედრა “ნოუ კამპზე” ფრედ, ანგარიშით 1-1 დასრულდა.
“ამ მატჩის მიმართ ოპტიმისტურად ვარ განწყობილი. “ვისენტე კალდერონზე” ბოლომდე დავიხარჯებით, რათა ჩემპიონთა ლიგის ნახევარფინალში გასვლა შევძლოთ”, – ამბობს მარკ ბარტრა.
23 წლის ფეხბურთელმა კომენტარი გუშინდელ შეხვედრასთან დაკავშირებითაც გააკეთა:
“ბეტისის” წინააღმდეგ კარგი შედეგი ვაჩვენეთ. ვიცით, რომ გულშემატკივრებს ჩვენი კარგი თამაშის ნახვა სურთ. სამწუხაროდ, გუნდში ბევრი ტრავმირებული მოთამაშე გვყავს, მაგრამ გუშინ ვაჩვენეთ, რომ ამ სიტუაციიდან თავის დაღწევა შეგვიძლია”.
